شريط اخبار شخبطة ملوكى

الأربعاء، يونيو ٢٧، ٢٠٠٧

مؤسسة نانسى عجرم للتسويق و الدعاية

مؤسسة نانسى عجرم للتسويق و الدعاية
*****

قرات الموضوع اللى نقلته باكينام ناصر لمجموعة الفاجومى بعنوان لو سالتك انت مصر تقولى ايه؟
وخطر فى بالى موضوع تانى خالص غير موضوع الرسالة وان كان مشتركا معها فى الاغنية و المطربة
انا بقى عاوز اقول حاجة تانى على الاغنية دى
بجد اول ما طلعت الاغنية لاقت رواجا كبيرافى الوسط الرجالى المصرى و شعر الكل ان العروسة باربى العرب تتغنى برجال مصر فمن حقهم ان يفخروا ولم لا اذا كانت بنبوناية الفن تتغنى بالرجال المصريين و تتغنى بهم
ولكن فى نفس الوقت فقدت المطربة شعبيتها النسائية اكثر مما كانت فاكل يغار منها فى سوط المتزوجات لانها جابلتهم الكلام بالعامى كده نانسى جابتلهم الكلام و بقى الرجال مندول بيقول ف سره ادى النسوان ولا بلاش و اللى زاد و غطى ان الست بتغازل الرجاله بقى بتاعتهم عينى عينك هى كانت نقصاها يعنى
المهم ان الست نانسى اللى مشروع معمول عمولة من اول لبسها و اغانيها ووشها ووقت نزول الاغانى و موجهة لمين لحد لهجة الاغانى و اماكن الحفلات وامتى تظهر و امتى تختفى ، وراها مؤسسة جامده قوى بتعرف تسوق و بتعرف تعزف على اوتار الجماهير و بتعرف ازاى تكتسب كل يوم ارض جديدة و الدليل انها دخلت قلوب الرجال اولا بمظهرها و اغنيتها المذكورة فى موضوعنا هذا ثم دخلت قلوب المحبين برومانسيتها التى اتت بعد ذلك و اليوم تدخل قلوب الاطفال و النساء بالتبعية لمجرد اغنيات للاطفال
يتغير مظهر المطربة من حالة لحاله من حالة الشقاوة للولع و الحب و الرومانسية و منها للبراءة و شقاوة الاطفال
مش بقولكم مؤسسة مش مجرد مطربة
المهم ان الشرقيين بيعروفا يسوقوا للاغانى و المطربين و رجال العلم و الدين و الثقافة بيغرقول فى شبر مايه لتحسن صورة الثقافة العربية و الاسلامية و لا يستطيعون الان مواجهة التهم الموكله اليهم ولا يحسنون اختيار كلماتهم التى توجه للغرب و لا للمسلمين انفسهم ولا يستطيون الترويج للمحبة و الاخوة بينهم و بين بعض
مع الاسف الاغواء و الطرب و الفن احنا محترفين تسويق فيه و تلميع انما الثقافة و الدين و الانتماء و الحوار لا و الف لا
*****
طارق المملوك

هناك ٥ تعليقات:

ابن رشد يقول...

طارق المملوك
مدونتك رائعة
و انت تعلم دائما موضة الجري وراء التفاهات
و في هذا الزمان الجري وراء نانسي مقبول ام وراء القضية العربية موضة قديمة

شخبطة ملوكى يقول...

اشكرك يا شمس على تعليقك و مرورك
سامحونى يا جماعة و الله لضيق الوقت
انا اشكر كل من يمر و يعلق وان شاء الله اعود للمتابعة و التعليق و الردود و المرور على مدونات الاصدقاء جميعا
تحياتى

غير معرف يقول...

زى مانت قولت وراها مؤسسه
ده غير انها سلعه رخيصه تستخدم فى اوقات معينه ولاهداف معينه
وعلى فكره مش نانسى بس
لا ده فى من النوع ده كتير جدا
وه ممثله فى نفس الوقت لانها احيانا تمثل البراءه واحيانا الرومانسيه واحيانا الوطنيه زى مانت قولت
ربنا ياخدها هى واللى زيها
هى متستاهلش اساسا اننا نتكلم عنها
بالرغم من انها جميله فانا اعرف انه كله بعمليات التجميل والتزييف
عشان كده انا مش بشدلها خالص
ومدونتك جميله
وتحياتى

shabfa2re يقول...

انا مش بطيقها

lonely يقول...

للاسف احنا فى مصر بنقلد التفاهات وبس
وبنجرى وراء الهيافات والخيبه وبس
وبنضيع فلوسنا على ناس ما تستاهلشى لحظة توقف
انا شايفه ان نانسى وغيرهاظاهره وتفاهة كتيرمنالشباب والبنات هى اللى ساعدتها على الانتشار والتسرب فى المجتمع بالطريقه دى
حد يلاقى الدلع وما يدلعشى
هى واللى وراها لقيوا شعب عنده استعدادلتقبل النوع دا من الفن واستعداد قوىجدا
لوكانت نانسى وغيرها لقيت صد مننا ماكانتشى نجحت
لكن رغم كل هذه التفاهه والسطحيه وجدت اللى بيصفق لها واللى بيشترى البوماتها .
يبقى لازم تستمر
انما الموضوعات المهمه او اى شيء هادف موش بيلاقى تربه خصبه فى العالم العربى كله ينمو فيها فلازم يموت