شريط اخبار شخبطة ملوكى

الثلاثاء، ديسمبر ٢٥، ٢٠٠٧

قصيدة / ست البنات

.. ست البنات ..
*****

ست البنات .. سكر نبات ..
معذور يا خلق ان قلت هات ..
طعم المرار .. ف الحلق بات ..
ليلة ويومين ..
صبحم سنين ..
والقلب دايب من ليالى هجرها ..
عاشق سكات ..
وشهور .. سنين ..
عاش فيها .. مات ..
ولا داقش يوم طعم الحنان ..
والليل حزين ..
غربة و حنين ..
فرح .. و شجون ..
عشق .. و جنون ..
وبعاد سنين .. هجر و ظنون ..
والكون يكون .. او لا يكون ..
عشقى حقيقة كتبتها .. لازم تكون ..
امسك قلم .. يكتب الم ..
ينقش ملامح حسنها فوق الورق ..
لما افترق .. يوم سحرها من نينى عين ..
*****
ست الملاح ..
والقلب دافى .. يسكنك ..
حب و غنا ..
عشق و مباح ..
يا ارض سمرا و ضيها ..
نور الصباح ..
عاشقك يا غالية سوسنة ..
حبك يداوى قلبنا .. ننسى الجراح ..
فرح و سعادة .. و انشراح ..
يغنينى عن كل البشر ..
ده انتى الجميلة المغرمة .. حضنك براح ..
*****
احلم ليلاتى .. واسالك ..
غربة سكاتى تقتلك ..
واما الجميلة تندهك ..
تنسى السنين ..
تنسى الحنين ..
وتبات نبات ..
تخلص حكاية سكتك ..
سكر نبات ..
ويا الجميلة المغرمة ..
ست البنات ..
*****
طارق المملوك
23/12/2007

السبت، ديسمبر ٠١، ٢٠٠٧

قصيدة / مستحيل

مستحيل
*****
مستحيل ان اللى بينا .. مستحيل ..
مستحيل اقدر اعيش ف البعد عنك .. او اكون ..
مستحيل ارضى الجنون ..
مستحيل يا عمر غالى .. مستحيل ماتحبنيش ..
مستحيل افضل اعانى ويا قلبى ..
مستحيل ماتحسنيش ..
مستحيل تبقى ف عنيا .. وماتشوفيش ..
مستحيل اسمك بيسكن فوق شفايفى .. وماتقوليش ..
مستحيل الخطوة دايما بتسابقنى لحد عندك .. وانت واقفة وماتجنيش ..
مستحيل تبقى ف منامى كل ليلة صورة حلوة .. وف نهارى ماتكونيش ..
مستحيل مين فينا يعشق مستحيل ..
هوا ده نفسه العذاب و المستحيل..
يبقى شوق و موت وغربة .. وليل طويل ..
مش بخاطرى انى ابتديها ..
دى الحكاية .. غصب عنى من البداية ..
بتتولد من غير دليل ..
زى بركان من مشاعر .. زى سيل ..
زى ماية تروى حلقى .. مايه عذبة سلسبيل ..
تطرح الارض الشراقى ..
يتولد عمرى اللى باقى ..
لما اسمع من شفايفك دقة القلب اللى مايل ..
دقة تنهى المستحيل ..
*****
طارق المملوك
10-11-2007


الجمعة، نوفمبر ٢٣، ٢٠٠٧

جمعة مباركة-1

جمعة مباركة - 1
*****
السلام عليكم و رحمة الله و بركاته
انها جمعة جديدة مباركة باذن الله فتعالوا نتامل بها صفة الرضا
خطبة جمعة جميلة تلك التى خطبها اليوم الشيخ عمر عبد الكافى
تكلم عن ثلاث جمل اعطتنى خيوطا كثيرة للبحث و التنقيب وراءها

الاولى من كلمات رسول الله صلى الله عليه و سلم : قليل تشكره خير من كثير لا تطيقه
الثانية من قول الملائكى لبنى ادم : ما قل و كفى خير مما كثر و ألهى
الثالثة قول مأثور: قليل يكفيك خير من كثير يطغيك


إنها قصة ثعلبة ، ذلك الصحابي المعدم الذي سأل الرسول أن يدعو الله له حتى يرزقه المال ، فقال له الرسول : " ويحك يا ثعلبة ، قليل تشكره خير من كثير لا تطيقه " فقال ثعلبة : والذي بعثك بالحق لئن دعوت الله فيرزقني مالا لأعطين كل ذي حق حقه . فقال الرسول : " اللهم ارزق ثعلبة مالا " ، فرزقه الله ونماه له ، وعندما طلب منه الرسول زكاة أمواله بخل ثعلبة معللا بخله بأن هذه الزكاة جزية وامتنع عن دفعها ومات النبي وثعلبة على قيد الحياة ، فأرسل زكاة أمواله إلى أبي بكر الصديق فرفضها ، وأرسلها إلى عمر فرفضها ، وهلك ثعلبة في زمن عثمان ( 1 ) .

عن النبي صلى الله عليه و سلم : ما طلعت شمس قط إلا بعث بجنبتيها ملكان إنهما ليسمعان أهل الأرض إلا الثقلين يا أيها الناس هلموا إلى ربكم فإن ما قل و كفى خير مما كثر و ألهى و ما غربت شمس قط و بجنبتيها ملكان يناديان اللهم عجل لمنفق خلفاً و عجل لممسك تلفاً .).
و القول الماثور يقول قليل يكفيك خير من كثير يطغيك

عن ابن عباس أن الشيطان لقى عيسى عليه السلام على عتبة بيت المقدس ، فقال له عيسى عليه السلام : يا ملعون ، أخبرني ما الذي صنعت بأمة موسى ؟ قال : سولت لهم اليهودية , قال : ما تصنع بأمتي ؟ قال : آمرهم أن يتخذوك إلها . قال : ما تصنع بأمة محمد ؟ قال هيهات . لا سبيل لي عليهم و لكن حببت إليهم الدنانير والدراهم حتى تكون عندهم أشهى من قول لا إله إلا الله .

قال وهب بن منبه : لما ضربت الدراهم والدنانير حمله إبليس فقبله و قال : سلاحي وقرة عيني و قرة قلبي , بكما أغوي و بكما أطغي و بكما أكفر بني آدم , و بكما يستوجب ابن آدم حبي .


اسالكم الدعاء اخوانى الاعزاء لصديق لنا اصابه حادث وحالة تستحق دعاءكم له
*****
طارق المملوك
23-11-2007

الخميس، أكتوبر ١١، ٢٠٠٧

فرنسا و العرب .. حرب لن تنتهى مع الغرب

فرنسا و العرب .. حرب لن تنتهى مع الغرب
*****

خبران استمعت اليهم اليوم و استفزانى ايما استفزاز
*****
الخبر الاول
*****
حكومة فرنسا وافقت على افتتاح متحف بابوظبي يحمل اسم اللوفر وذلك مقابل مليار يورو تنفق على تجديد و تحديث و تطوير متحف اللوفر بفرنسا مقابل استخدام الاسم و استعارة بعض الاعمال من المتحف الاصلى لتعرض بمتحف ابوظبي .. الخبر غريب فى حد ذاته و كان من الممكن ان يحمل المتحف اى اسم اخر و يتم استعارة الاعمال من جميع متاحف الدنيا واولهم مصر طبعا بما ان هناك مقابل ..
مع الاسف اندفعت غيرتى على اموال العرب بقوة و لكننى مع استكمال الخبر تولد مع الغيرة احساس بالاشمئزاز و القرف و القهر .. كوكتيل مشاعر من السخط لان من يطلقون على انفسهم مثقفى فرنسا اعترضوا و جمعوا 5000 توقيع حتى الان يرفض الامر برمته و يدعون فيه ان الحضارة و الثقافة و الفن غير قابله للبيع او المساومة ..
كثير على العرب ان يشاهدوا اعمال متحف اللوفر .. صعب ان يتفهموما .. وكان الثقافة و الحضارة حكر على الغرب و نسوا ان حضارتهم كلها بنيت على حضارة المسلمين و العرب .. وان اقل القليل الا يجعلوها حكرا عليهم الان و لو ان العرب فى حاجة للتكنولوجيا و العلم و ليس الفن .. فماذا سيحدث لو طلبنا ارسال بعثات و جلب علماء لتعليم ابنائنا..
الغريب كل الغرابة انهم سرقوا الحضارة و الثقافة و التاريخ ايضا من شتى مستعمراتهم فى كل انحاء العالم واولهم مصر و التاريخ و اللوفر يشهد بمعروضاته على النهب و اللصوصية .. انا اضم صوتى اليهم و اعترض انا الاخر حفظا لاموالنا و لماء وجهنا ..
*****
الخبر الثانى
*****
بعد ان نجحت حكومة فرنسا فى الخداع و الضغط على حكومة الجماهييرية الليبية لتسليمهم الممرضات البلغار المتهمات فى قضية حقن الاطفال بليبيا بفيروس الايدز مقابل بيع اسلحة متطورة لليبيا .. اكرر بيع و ليس هبة او منحة.. وتم تنفيذ الشق الليبى من الصفقة المفزعة و المقززة ايضا .. الان يرفض نواب فرنسا اتمام الصفقة مدعين انه من السفه ان يتم اعطاء دولة عربية مثل تلك التكنولوجيا
*****
لست ادرى هنا ماذا اقول عن لك الدولة الغربية التى يعتبرها كثير من العرب دولة صديقة .. بل من اشد الدول صداقة و اعتدالا تجاه قضايا العرب .. وكلنا يتذكر كيف احتفلت مصر بمرور 200 عام على الحملة الفرنسية عليها .. تخيلوا دولة تحتفل بمرور 200 عام على ذكرى احتلالها .. وبعد 3 سنوات فقط من الاحتفال بذكر الاحتلال نسوا ان يحتفلوا بعيد تحرير مصر من تلك الحملة و بناء الدولة المصرية الحديثة ..
خير اللهم اجعله خير .. هل اصبحنا بتلك الدرجة من السذاجة و السفه؟؟؟
ابتعدنا عن ديننا و عزتنا فاهاننا ابناء القردة و الخنازير و اقذر خلق الله .. حلفاء الشيطان ويده التى يبطش بها كل من تسول له نفسه و يقول انه مسلم او عربى حتى..
تلك هى دولة الحريات و المساواة و التى تنشن الحرب على التمييز و العنصرية .. ابتغينا العزة باموالنا و محالفة اعدائنا فاذلنا الله .. فمن اين لنا ان نجد من ينصرنا
وهنا تذكرت قو الله تعالى فى محكم اياته ..
" وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ"
*****

طارق المملوك
10-10-2007

الأحد، أكتوبر ٠٧، ٢٠٠٧

قصيدة / ده عسكر معسكر

ده عسكر .. معسكر ..
ـــــــــــــ

ده عسكر معسكر ..
ف قلبى يعسكر ..
وينصب خيامه ..
يطمنى حبه ..
ويفضل يكسر ..
جميع الحواجز ..
مابينى .. وما بينهم ..
ومهما بعدنا ..
فراقنا .. تاعبنا ..
بيفضل ده حافز ..
اعافر .. و اجاهد ..
يا صابت .. يا خابت ..
وقلبى اللى حابب ..
وساكن .. وثابت ..
ينفذ اوامر .. لاصغر شاويش ..
صفا .. إنتباه ..
عشان يبقى دايما .. بيحيا الحياه ..
*****
ده عسكر .. معسكر ..
بيحمى حدودى ..
ده امى .. وابويا ..
وابني .. و اخويا ..
و بنتى .. و حبيبتى ..
واختى .. وجدودى..
ده عسكر .. ف قلبى ..
عاشقهم .. وحبي ..
لأصغر ما بينهم ..
واكبر ما فيهم ..
بادور عليهم .. وافتش و اطوف ..
اشوف اللى جنبي ..
واتمم عليهم ..
وانادى .. بعيدهم .. بلهفة .. وخوف ..
واجرى ف حضنه ..
واسكن ضلوعه ..
ده صوتهم ساكنى ..
بترسم ملامح .. ولهفة .. وحروف ..
*****
وجودهم بنادق ..
عيونهم بيارق ..
وراية تنور حياتى .. ومصيرى ..
كلامهم .. منافع ..
سكوتهم مدافع ..
يهاجم عدوى .. ومرة يدافع ..
ده ساكن يمينى ..
ده قاعد شمالى ..
وخلفى .. امامى ..
وماقدرش اصرح .. ولا اذكر اسامى ..
دى عيلتى الجميلة ..
دى غاية ووسيلة ..
حبيبتى .. و حبيبى ..
صورهم ف عينى .. وقلبى .. و جيبى ..
*****
ده قائد كتيبتى ..
ووالدى .. وسفينتى ..
وقدوة ..
وحكمة ..
وبلدى .. ومدينتى ..
وذكرى طفولتى ..
براءة .. زمان ..
معلم .. مربي ..
وشاعر .. كمان ..
كانك يا والدى قصادى و معايا ..
وساكن حنايا ..
وتكمل حكاية .. بقالها زمان ..
معايا .. وأمامي .. وجنبي .. ورايا..
و ضلك امان ..
*****
وامى الحبيبة ..
وفرح الكتيبة ..
و حتى ان بعدتى ..
تملى القريبة ..
ومهما سكتى ..
كلامك ساكنى .. يعيش جوا منى ..
سكنتك .. سكنتى ..
ف دمى .. حبيبتى ..
ولحظة ايديكى .. ما تلمس ايديا ..
بتوهب حياة ..
وجوا المرايا .. ملامحك ملامحى ..
تأمن شراعى .. ودفة سفينتى ..
يخليكى ليا ..
يا اجمل هدية ..
وسبيل النجاه ..
*****
يا ملكة .. واميرة ..
يا بختى بحبيبتى ..
دى مالية حياتى ..
دى مالكة فؤادى .. وبلادى و مدينتى ..
تنور كيانى ..
فمعرفش ألاقى ..
كلام او حروف ..
لانك يا قلبى ..
- و مهما أدور .. وافتش و اطوف - ..
ومهما ماشوفشى .. او افضل اشوف ..
لا يمكن الاقى ..
حنانك .. و عشقك ..
وحبك .. وقلبك ..
ومهما تقرب شجونى تلاقيها ..
بتفضل بعيدة ..
لانك فريدة ..
لانك قريبة ..
لانك يا عمرى ..
تملى لقلبى .. لعينى الحبيبة ..
*****
وبنتى .. حبيبتى ..
لسانك بينطق .. يزوق كلامى ..
وضحكة شفايفك .. تنسينى عمرى ..
ولحظة الامى ..
يا حلوة .. كبرتى ..
وقبل الاوان ..
تطوفى .. تشوفى .. بلاد غير بلادك ..
وعايشة يا غالية .. باخر زمان ..
ف قلبك .. ودادك ..
لامك .. لجدك ..
وصحبة جميلة ..
بتسكن بلادك ..
اشوفك يا عمرى ..
يحاوطك ولادك ..
وحبك لوطنك .. وحبك لدينك ..
يعسكر ف قلبك ..
ينور حياتك ..
*****
وضحكة وليدى ..
ده ابنى و حبيبي ..
ده روحى و مِنى ..
وشعرى .. وفنى ..
ومهما احاول ..
أعاتب .. و افكر ..
الاقى عيونه ..
براءه .. و طيابه ..
يابختك يا قلبى ..
بكلمة يا بابا ..
*****
يا بختك يا بختك ..
يا كاتب كلامك ..
لانك بتكتب ..
مذاكر .. و فاكر ..
اخويا .. و اختى ..
يا عينى .. تشوفى ..
وحتى ان ما شوفتى ..
بقلبى .. شايفهم ..
فبعشق صورهم ..
قلقهم و خوفهم ..
لاصغر حكايه ..
فتعبي .. والامى ..
يخليكوا ليا .. لان القضية ..
معسكر يعسكر ..
ف قلبى و حياتى ..
بيحمى سمايا ..
وبكرة .. الحكاية ..
هاتكمل ما بينا ..
ولادى .. وولادكم ..
فرحهم .. فرحكم ..
ويفضل معسكر حياتى .. بيكبر ..
ينور حياتنا ..
ويكتر .. و يكتر ..
*****
طارق المملوك
6-10-2007

يوم السادس من اكتوبر

يوم السادس من اكتوبر
*****

كل سنة و مصر طيبة كلمة غريبة و مش قادره تطلع منى
مش عارف افتكر ان مصر طيبة الا بذكرى يوم منذ اكثر من 30 سنة
تفتكروا زى انتصارات مصر من وقتها لحد النهارده ايه
على راى واحد ممثل هو جول مجدى عبد الغنى فى كاس العالم
هم حكموا علينا بكده
اننا نفتكر لحظات الفرح و عينينا تدمع لاننا مش طايلين الفرح
الفرح مات فى قلوب كتير مننا مش هاقول كلنا
لسه فيه ناس بتعرف تفرح على اتفه سبب
مش عارف كل ما شوف افلام الحرب او اسمع اغانى الانتصار بيجيلى احساس بالشجن مابقدرش اخفيه بين دموع بحبسها ف عنيا و نفس مقطوع مش عارف اتنفسه
انا معاكم بقول كل عام ومصر طيبه
كل عام و ابناء مصر المخلصين طيبين
كل عام وكل وطنى شريف طيب
كل عام و كل مصرى غيور عاوز يغير طيب
بس مش هاقول كل عام و مصر طيبة عشان من يومها لحد النهاردة مصر مابقتش ف حالة طيبة ترضينا
هاقول السنة اللى جاية يارب مصر تبقى طيبة
وولادها طيبين
و عيالها اللى شاربين من نيلها طيبين
اللى شاربين من ماية شيطانى لا
النصابين و المتاجرين باقوات الغلابة لا
اللى بيحكموا بالحديد و النار لا
اللى بيظلموا و يفتروا و يشردوا اولاد مصر فى البلاد الغريبة لا
يارب السنة اللى جاية نبقى و مصر طيبين
****
طارق المملوك
6-10-2007

السبت، أغسطس ٢٥، ٢٠٠٧

روتانا و العندليب .. و عودة لنظرية المؤامرة

روتانا و العندليب .. و عودة لنظرية المؤامرة
*****
تاتينا الاصوات دائما بانها تعمل بالليل لتاتى على الفن المصرى بالنهار ، تتعالى الاصوات يوميا بعد يوم ، و تاتينا الدلائل يوما بعد يوم و نؤجل دائما اعلان القرار على الملا ، لا اعرف ان كان هناك متواطئين او لا ، لا اعلم ان كانت تلك الافعال تاتينا يوميا بموافقه ناس من الكبار ، ولكن الاكيد اننى لا يهمنى اهل الفن و لكن يهمنى فى المقام الاول بلدى و ناسها و مصالحهم المباشرة و صورتهم التى يتم التاثير عليها على مستوى العالم العربي.
شركة نتانا اقصد روتانا وما تجلبه لنا من قرف فى حياتنا من يوم ظهرت على ساحة الفضائيات وهى متصدرة فى قلة الادب و القرف و الجراءة ومن اول وجهة تم ظخهورة عليها وهو وجه القبيحة هالة سرحان و ما تاتينا به من اقذر الافكار و اسوءها على الاطلاق.
الجديد هو احداث فيلم هنيدى الاخير و الغريب اخوانى الاعزاء ان طاقم العمل جميعه من المصريين الذين يجب ان تكون مصلحة وطنهم هى شغلهم الشاغل وليس المصلحة الشخصية و جمع المال ، و كما يدعون فالفن هو مرآة المجتمع و رسالة لتحسينه و تهذيبه و ليس رسالة لتشويهه و الترويج للصور القبيحة به على الما و الاضرار مصالح اخوانهم بالخارج نتيجة لتهييسهم او دماغهم التى سكنتها الفئران لدرجة انستهم كل الاعراف و اهتزت معهم كل الثوابت و استعادت اذهاننا نظرية المؤامرة التى يعقدها الامير الغريب الذى ملأ الدنيا طولا و عرضا انه حامى حمى الفن و الاصالة ، تلك المؤامرة التى تكلم عنما كل من جاور كار الفن من قريب او بعيد و يعرف اقل ناقد بالفن ان ما يفعله الامير نابع من عهد اخذه على عاتقه بنشرالفن الخليجى لس بتدعيمه و اظهار مواهبه و الانتاج له فقط و لكن بتعطيل اهل المقدمه فى الفن و خاصة المصريين و فنهم و اعمالهم باحكتارهم بعقود مبالغ فيها و تسقيعهم حتى الموت..
الخلاصه الى الحد الذى ذكرته سابقا انا لا يهمنى من ينتفع من من و من يطمع فيموت فنيا او خلافه و لكن همنى الان احداث الفيلم الذى ذكرته الفيلم من اول مشاهد فيه يظهر مصر الجميله الهادئة حد الملل فى اوائل القرن الماضى على انغام سيد درويش يعبر الشارع عاشقان مش عارف هو كان المنظر ده موجود زمان للدرجة دى مش عارف جابه منين ثم مشهد فى الستينات للخنافس فى الشارع يهتزون بجنون على انغام العندليب عبد الحليم مش عارف برضه ايه علاقة الخنافس بحليم المنظر الثالث الان على انغام غريبة على غرار العنب العنب و خناقة فى الشارع و ناس نازلة ضرب و شتيمه فى بعض و المشاهد الثلاثة على فكرة امام سينما مترو و الذى يختلف فقط هو الزمان.
المقدمة ليست الا بداية للتهكم على المصريين و الاضرار بصورتهم يتبعها الكثير من المشاهد و التلميحات من اول الدكتور الفاشل و الخال البلطجى البخيل و الام المدخنة و شله هنيدى الضائعين فى جيل بلا هوية او تقاليد او مبادئ ، هذه هى النماذج التى ظهرت لمصريين فى الفيلم داخل الحدود.
ننطلق الى القصة السطحية التى عرف بها هنيدى من امه ان له اخ اماراتى او يعيش بالامارات و من هنا بدا الاضرار بمصالح المصريين و اللعب على اوتار المكسب و فقط الاخ الاماراتى ساذج اهوج يضرب باليمين و اليسار تعبيراته مستفزة من اول موقف ذكرةى زوجته الى ذهب لها ومعه عازف كمان بالمقابر حتى اللاب توب الذى هو دائما مفتوح على العاب كوتشينه و خلافه مع انه احد اكبر رجال الاعمال بالامارات و طبعا منتهى السخف و مرورا بمعاملة هذا الاخ الاماراتى لابنه بمنتهى القسوة و الاهمال مع انه يحبه و يحب امه و يعيش على ذكراها ، يعنى الخلاصه قصة مافيش حبكة مافيش حتى اى قيم او محافظة على صورتنا مافيش
اللى طلعت بيه ان ارزقيه مصريين اتحدوا مع عدو للشعب المصرى قبل ان يكون عدوا للفن به لخلق مشكله ظهرت على اوجه كل الاماراتيين الذى تواجحدوا بمحل العرض و ظهرت ايضا على وجوه المصريين البسطاء الغيورين على مصالح بلدهم و اخوانهم المصريين بتلك البلد الشقيق و التى يعلم الصغير قبل الكبير تاثيرها فى الماضى و طاءها و كذلك اهميتها فى الوقت الحالى كامتداد عربى يمكن من خلاله تحسين معيشة المصريين المطحونين بخبراتهم التى يبنون بها تلك البلد الماضى بطريق الكبار..
معذرة للاطاله و لكن القضية كبيرة و العبث بمصالح الغلابة و الوطن الاكثر غلبا ليست الشىء اليسير او التافه الذى يمر مرور الكرام.. اعرف ان الكثيرون منكم يعرفون اكثر و اكثر من مواقف تلك الشركة الخبيثة و شقيقتها ضد مصر و شعبها من اول منعهم من الاستمتاع حتى بمباريات منتخبهم الوطنى حتى احتكار مكتبات الافلام و الاغانى التراثية الكبيرة و تسقيع المطربين و المتاجرة باثمان اى شىء تحتكره و الان تم التصعيد بالاضرار بمصالح بلد و شعب متحالفين مع حفنة فاسده من ابناء ذلك الوطن المنهوب طوبلا و عرضا
اعتبروها حملة للدفاع عن الوطن و مصالح الغلابة به فهى لا تقل ابدا عن افعال الصهاينة فتعميق هوة الخلاف و الشقاق و زرع بذور الشك و الريبة و الكراهية بين الاشقاء لانها من افعال الصهاينة
حسبي الله و نعم الوكيل
*****
طارق المملوك
25-8-2007

الأحد، يوليو ٢٩، ٢٠٠٧

اخر تقاليع حزب الله

اخر تقاليع حزب الله
*****
كان الامس لارى و اسمع العجب العجاب
و اعتقد انها اصبحت موضه فى بلاد العرب ان يغنى لكل حاكم حاشية ووسائل اعلام ماجورة كل همها التملق و الاستخفاف بكل ما هو ذو قيمة او قدسية او اى شئ فى سبيل ارضاء الحاكم
وكلنا يرى و يسمع و يعقل و يشاهد و يرصد تلك الظواهر الغريبة التى اصبحت داءا للامة عامة
كلنا يسمع و يرى و يتابع ما تبثه الينا وسائل الاعلام فهذا الرئيس الذى لا يشق له غبار و هذا هو حامى حمى الامة و هذا هو الاسطورة و هذا الذى لم يجد الزمان بمثله و لا يوجد فى شعبه من يستطيع الحكم هو رجل الامة الاوحد و رجل الحدث و الزمان و نسمع من تخارفهم الكثير و الكثير و حفظت الامة شعارات و تبجيل يصل الى حد الشرك الى زعماء لا يكاد يذكرهم التاريخ فمن تمثيليات عدم ترشيح للرئاسة و مبايعات يخرجها ابرع السينمائيين لتظهر على الشاشة و كانها مطالب شعبية
الخلاصة
السلام عليكم و نصر الله و بركاته
عفوا ليست خطا املائيا و ليست دعابة نعم نصر الله و بركاته تلك هى الجملة التى صدمتنى وانا اسمع مذيعا يتحدث لقناة المنارة التى تعد القناة الرسمية لحزب الله
تعدى الرجل كل التعاليم و الاعراف و غير و بدل فى سلام الامة الاسلامية
فبدلا من رحمة الله و بركاته قالها و نصر الله و بركاته
لك الله يا امة الاسلام
ولنا الله فى زعماء لم يكد يظهرون على ساحة السياسة الا و اصبحوا فراعين ننتظر ان يخرج علينا احدهم ويقول انا ربكم الاعلى
حسبى الله و نعم الوكيل
****
طارق المملوك
29-7-2007

الجمعة، يوليو ١٣، ٢٠٠٧

الفلاحة ماتت و لازم نسلم نفسنا

الفلاحة ماتت و لازم نسلم نفسنا
*****

جمله سمعتها فى احداث رواية لكاتبنا الكبير نجيب محفوظ فى روايته ثرثرة فوق النيل
قالها احد ابطال روايته ، الفلاحة صدمها احد الابطال اثناء قيادته باستهتار و سيارته محملة بثمانيه ممن غيبهم الكيف و الادمان و الفساد عن واقعهم و فسادهم الذى تكون اساسا من فساد جزء من المجتمع الذين يعيشون فيه و تغييب الجزء الاخر بهمومهم و مشاكلهم فصار المجتمع مقسوما لنصفين نصف مجنون و نصف ميت على حد وصف الكاتب لقائل العبارة التى هى مجال حديثنا " الفلاحة ماتت و لازم نسلم نفسنا "
الفلاحة صدمت بسيارة اثناء خروج ابطال الرواية من عوامتهم التى هى مسرح غالبية احداث الرواية فى زيارة لسقارة و التى رمزت لتاريخ عريق يذكرنا بسوء واقعنا ومنا نحن فيه من هوان و اثناء الزيارة اظهر ابطال الروايه فسادهم و استهتارهم و ثقافتهم المحدوده و استهتارهم الرهيب ببلادهم تاريخا وواقعا ، استهتارا بحكامها و حضارتهم حيث اعتلوا تمثالالفرعون و ظلوا يهذون و يتعاطون مخدراتهم و يضحكون بهيستيريا اثناء سخريتهم على بلدهم و تاريخها وهم فنان و صحفى و كاتب و رجل اعمال و سيده منزل و موظفه و طالبه بالاضافة لمحور مقالى هذا و محور الرواية ايضا و قائل العبارة عنوان المقال وهو موظف بوزارة الصحة لم يجد الدواء فى مخازن المستشفى لعلاج الداء
الفلاحة ماتت وهى بالمستشفى و علم بطلنا بالخبر اثناء زارته مع الصحفية المثقفة للجبهة بعد حرب 67 اقصد النكسه افاق الرجل على واقع بلد مهزوم مغتصب قارب الموت و الفلاحة التى رمزت لمصر افاقته على مصير البلد اذا لم يفق الشعب فيصدمها فتموت هى الاخرى باستهتارنا و فسقنا
افاق الرجل تحت تاثير كلمات الصحفية التى وصفته بنف مجنون و نصف ميت و يشاء القدر ان يفيقها هو من تاثير الممثل عليها لحظيا و يفيق معه خادم العوامه و يخرجون تاركين العوامة بعد فشلهم فى اقناع الجميع بتسليم انفسهم بعد موت الفلاحة و هنا يحل خادم العوامة سلسلتها التى تربطها بالبر و يصرخ بطلنا يا ناس فوقوا بقى يا خلق فوقوا بقى
وانطلقت العوامة بعيدا عن البر محملة برموز الفساد و الفسق اخذة معها نصف الجسد المجنون لنلتفت للنصف الميت الذى لم يكن ميتا وانما مغشيا عليه
و اليوم اجدنا فى حاجة ماسة لطرد النصف المجنون من داخلنا ومن داخل المجتمع و العمل على افاقة الجزء الميت الذى اراه معكم مغشيا عليه و ليس ميتا ان شاء الله
اسف للاطالة فى ثرثرتى ولكن اردت ان انقل لكم مشاعر احسستها
دمتم بخير
*****
طارق المملوك
13-07-2007