شريط اخبار شخبطة ملوكى

الجمعة، يونيو 22، 2007

حمدى زقزوق .. صورة صورة

*****
ادعو الجميع للمشاركة بحملة مضادة لمنع بناء المآذن فى المساجد الجديدة
*****
زقزوق .. صورة صورة
*****

هالنى ما قرات و سمعت عن قرار وزارة الاوقاف بوقف بناء الماذن فى المساجد الجديدة وهى عنصر مهم و تاريخى و ذو اصل فى بناء المساجد فى الاسلام
اعتقد ان وزارة الاوقاف اتخذت اسمها من الوقف فهى تعمل على وقف صلاة التراويح بجزء كامل
تعمل على وقف الاذان فى كل مسجد
وقف اى خادم مسجد يفتح مسجدا فى غير اوقات الصلاة
يوقف تعيين المرشدات الدينيات ممن يرتدين النقاب
يوقف اى نشاط للمنقبات فمثلا الغى مسابقة لتعيين المرشدات خوفا من انتشار ثقافة النقاب
يوقف اى مرشدة دينية منقبة و يحولها للعمل الادارى
يوقف محاضرة و يطرد منقبة فى محاضرة له بمسجد النور
اما الدكتور محمد عبدالغني شامة المستشار الثقافي للدكتور زقزوق وزير الأوقاف أعلن صراحة في مسجد النور بالعباسية تأييده لإمامة المرأة للرجال وانتقاده للأصوات التي هاجمت هذه الخطوة وأنه يؤيد ترشيح وتولي المرأة رئاسة الدولة وأنه لا يوجد في القرآن أي نص يحرم ذلك أو يحدد للمرأة أعمالا معينة.
وقف يخاطب ائمة المساجد و يهاجم من يتدى الجلباب و الشبشب و يقول لهم كيف اميزكم عن السباك و النجار وكان الجلباب اصبح رمز بيئة على راى الجيل الجديد و كيف يلبس الائمة من غير حملة شهادات الازهر الزى الازهرى ولا هى البدل اللى بيلبسها سعادته هلى اللى بتميزه عن معلمين المدبح و المقاولين؟؟؟
تعمل على وقف كل مظهر اسلامى خالص ولا اسمع رد فعل للمشايخ ولا للازهر على تلك الخزعبلات التى يخرج بها الرجل علينا كل فترة ولا اعرف الغرض من كل هذا
هل الرجل فى دماغة افكار اعلى من ادراكنا؟
هل هو يفهم الاسلام اكثر من كل المسلمين؟
هل الراجل مناسب حد عالى فى الحكومة؟ فمسنود يعنى و صابرين على هطرسطه؟
لماذا يسكت المشايخ و المفتى و شيخ الازهر عن تصريحاته؟
ما هو السرفى عدم بناء اى مسجد كبير فى عهد ذلك الرجل و ما سبب الحالة المذرية التى نرى عليها المساجد فى نفس تلك الفترة؟
لماذا لا نسمع عن اى نشاط لوزارة سيادته مع انها وزارة غنية جدا؟
والله حاجات غريبة جدا مش عارف اوصل فيها لنتيجة مش عارف ايه الهدف فى توظيف تلك الطاقات و القدرات و التفنن فى هدم الدين و اخفاء معالمه و اعلان الحرب عليه
بيفكرنى حال مصر بحال الاتحاد السوفيتى قبل التفكك و كيف كان عملاء امريكا يختارون الاسوء لشغل المناصب عند اختيارهم للادارات الجديدة
مع الاسف اصبح الاسوء هو من يشغل اعلى المناصب و يقف فى الصفوف الامامية
و اصبحت الصورة التى رسمها العبقرى صلاح جاهين و غناها العندليب صورة مشوهه تحمل بدلا من الشحم و عفريته المصنع و المنشار و البرجل و تربيزة الرسم و سماعة الدكتور و دفتر المحاسب و الجرار و اللودر و خلافة
تغيرت الصورة و اصبحت تحوى عربيات خنزيرة و برفانات اخر موديل و سمون فيمية و كافيار و ريحة سيجار هافانا و بدل اخر موديل مستورده من ارقى بيوت الازياء
و تبدلت غناوى سيد درويش و هيلا هيلا برقصات الكاتشب و خلافة
و تبدلت الاغانى الوطنية باغانى تمجد الفراعين و الطواغيت
و تبدل الحرس الشعبى للوطن بالعملاء للغرب الصليبى و الصهيونى
و المدنة التى كان عنصرا هاما فى الاغنية كانت مدنة المسجد و المصنع و العجب العجاب الاتنين اختفوا تماما فى مسيرة مصر الراشده خلال اربعين سنة بحالها من وقت الزعيم ناصر
مصر اتغيرت و اللى شايفينه من الراجل وزير الاوقاف ده ملمح من ملامح التغير
المسجد الذى كان له موقفا فى العدوان الثلاثى و كان المنبر الذى التف فيه الشعب و الزعيم معا حول الوطن كحراس و فدائيين
المسجد الذى كان مستشار الحاكم و عون المحكوم و المرشد للوصول الى حياة اجتماعية اسلامية راقيه اصبح مغلقا لا يفتح الا فى وقت الصلاة ليس الا
*****
ادعو الجميع للمشاركة بحملة مضادة لمنع بناء المآذن فى المساجد الجديدة
*****
حسبي الله و نعم الوكيل
*****
طارق المملوك
21-6-2007

هناك 5 تعليقات:

Pakinam Nasser يقول...

مقال مؤلم و لكنها الحقيقة ، للأسف هى دى الحقيقة و الواقع الذى نعيشه، غالبا فعلا سبب تسميتها زارة الأوقاف هو الاشياء اللى انت ذكرتها بسلوبك الرائع، الواحد فعلا بقى خايف يمنعوا الصلاة ...هو فين المسلمين ، ليه مفيش ثورة من اجل الدين ، انا شايفة الناس بتتأثر من كده لمل الاهلى يخسر ،
فين الغيرة على الاسلام ، فين حب الله و رسوله ؟؟
أما عن الازهر فانا لا انتظر منه اى شئ لان بالنسبة لى الازهر و دار الافتاء هى هيئة لتحليل القرارات السياسية ليس الا ، عاملين زى الى بيطلعوا ثغرات فى القانون عشان يمشوا احوالهم ، ماذا ننتظر من شيخ الازهر ، انا قرأت له تصريحات اليوم فى جريدة الدستور من ضمنها ان أمن الدولة لها حق هدم المساجد اذا انحرفت عن الصراط المستقيم،
و انه بيؤيد الدولة فى منع الشعارات الدينية اثناء الانتخابات لان الاخوان المسلمون عايزين يعملوا فتنة ، !!!!
هل ننتظلر منه شئ بعد ذلك!!!!
فشيخ الازهر اصبح سياسى يحافظ على كرسيه
مقال رائع اشكرك عليه

و انا أؤيدك فى الحملة و يا ريت تكتب صيغة و ان شاء الله كلنا ننشرها

قاسم أفندي يقول...

عزيزي طارق
اعجبني من مقالك هذا المقطع تحديدا
و المدنة التى كان عنصرا هاما فى الاغنية كانت مدنة المسجد و المصنع و العجب العجاب الاتنين اختفوا تماما فى مسيرة مصر
أحلف بسماها وبترابها .. أحلف بالمدنة وبالمصنع

بص انا مش هناقش معاك سياسات وزارة الاوقاف - ده لو ليها سياسات أصلا - لان حالها من حال كافة المؤسسات الحكومية من تخبط وفساد
لكن بعيدا عن هذا بناء المساجد والمآذن يحتاج فعلا الي تنسيق لأن ما يحدث حاليا هو بالفعل فوضى فكثيرا من المنازل يقوم اصحابها ببناء زواية تحتها وصاحبها يسمي نفسه الحاج مش عارف ايه ويقعد بالسبحة علي باب العمارة وهو بالليل الله اعلم فين داهية
ماعلينا بالحاج ده الشئ المؤذي فعلا هو ان كثير من هؤلاء تلاقيه عمل مئذنة من بقايا شوية علب صفيح علي سطح العمارة وعلق عليه تلات اورب مكرفونات شغالة عمال علي بطال دروس وخطب وقران والناس ماشية في الشارع بتنادي علي سمك لبن تمرهندي ولا حد بيسمع ولا حد عارف ينام ولا حتي يذاكر
الموضوع محتاج تنظيم لتجنب التلوث السمعي والبصري علي حد سواء
لو عايز تفهم قصدي شوف الفرق بين مسجد السلطان حسين مثلا وأي زاوية من اللي بحكيلك عليهم
انا شايف ان المسجد المفروض يكون اجمل حاجه عينك تقع عليها وقلبك يتفتح لما تدخلها وتشم فيها روائح طيبة
تحياتي يا غالي

wa7dania يقول...

فناننا الكبير
بجد يا ريت نقدر نعمل حاجة فعلية
بس هنقدر نعمل إيه ؟؟
معلش أنا عارفة إنك مشغول في الشغل و مع الأسرة الصغيرة
ربنا يجمعكم و يسعد أيامكم دايما يا رب
بس أنا بجد متضايقة
هنقدر نوصلهم صوتنا إزاي ؟؟
منى

غير معرف يقول...

تحياتى
صراحة هذا الرجل امره غريب مره يقول حيمنع سنة الاعتكاف فى المساجد فى رمضان وامس بيقول انه بيطلب من المسلمين زياره القدس والمسجد الاقصى كى يعرف الناس ان القدس قضية اسلامية وليست فلسطينه وهل يعلم بانه بذلك يروج للسياحة داخل اسرائيل أم أننا نحن لم نفهم كيمياء السفر الى القدس والمسجد الاقصا وهم تحت احتلال ابناء القردة والخنازير

مامت تامر

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載