شريط اخبار شخبطة ملوكى

الاثنين، مايو ٢٦، ٢٠٠٨

قصيدة / قلب و عاش

قلب و عاش
*****

دقة جديدة .. بتحيي القلب اللى خلاص مات ..
بعد الهجر.. وبعد العمر ماعدى وفات ..
جاي تقولى: " القلب اتعلق .. وخلاص داب "..
كنت سايبنى العمر بحاله .. وبعد غياب..
قلبى ومات ..
والعمر بيجرى .. وعدى وفات ..
عشته ف بعدك .. يوم ف عذاب وسنين بآهات ..
جاي تقولى: " بيوتنا قريبة ..
والشباك اللى زمان كان بيطل عليا ..
ومابيشوف الا الجدران ..
بقى قدامه خلاص شباك ..من شوق و حنان ..
اسمعى منى .. مافتش الوقت ..
مادام القلب بينبض عشق ..مادمت لحقت ..
اخر نبضه ف قلب الحب ..
واخر دقه ..
ايوة لحقتك قبل الموت ..
كلمة أحبك .. كانت جوا ف قلبى تابوت ..
ولا يوم سكتت .. ولا يوم عرفت معنى الموت " ..

ايوة لمحت الحب ف عينك .. لما قابلتك..
وسط كلامك .. وسط حروفك ..
قمت جريتلك ..
من جدران حبسانى بعيده ..
افتح قلبى مع الشبابيك ..
المس حبك .. والمح عشقك ..
ويا الهوا والفرح هأجيك ..
أنقش اسمك جوا شوارع عرفت حبك ..
بتغيب تحزن ..واما بترجع ..
تفرح بيك ..وتنادى عليك ..
وسط كلامى كتبتك حلم .. ياخدنى لحدك ..
واكون ليك ..
رغم الصعب ..
ورغم الرعب .. اللى انا حسيته ف بعد سنين ..
رغم جروح سيبانى ف حالى بقالها كتير ..
كسب الحب .. وهابقى انا ليك ..
*****
طارق المملوك
25-5-2008

هناك ٥ تعليقات:

غير معرف يقول...
أزال أحد مشرفي المدونة هذا التعليق.
شخبطة ملوكى يقول...
أزال المؤلف هذا التعليق.
Esraa Hamed يقول...

جميلة اوييييييي كلماتك

حقا راااائعة
الحب دايما مليان أمل

تحياتي لك

غير معرف يقول...

بقسم بالله انك لا تعرفنى ولا اى حاجة

بس انك تمسح ردى ..... كسرت فيا كل حاجة
... الف شكر على كسرة الروح والنفس والقلب

غير معرف يقول...

قصيدة اكثر من رائعة تسلم يدينك