شريط اخبار شخبطة ملوكى

الأربعاء، أكتوبر 04، 2006

مملوكيات - 6


مملوكيات - 6

النهارده كنت تعبان جدا بصراحة نزلة البرد دى مكتفانى جدا و مهمدانى ع الاخر، قلت ادخل انام بعد الفطار شوية سحبت معايا للساعة واحده بالليل ، قوم ايه بقى بدل مابقى قايم فايق يشاء السميع العليم ان صاحب العهد الميمون ينكد على اهلى حتى فى منامى
حلمت خير اللهم اجعله خير انه مات اه والله ، وتشتت الافكار من حولى و روحت لايص فعلا ، وماعرفتش ده حلم ولا كابوس ، والاكاده بقى ان شهر رمضان المبارك يشهد نهاية العهد المبارك ، زكما تعودنا منه فى الاعوام الاخيرة يشهد نهايه عصور بعض الملوك و الحكام العرب مش عارف ليه ، هل هما يعنى بركه للدرجة دى عشان نشهد نهايتهم فى ايام مباركه كتلك الايام ، ولا البركة بتكون للشعوب و رحمات من ربى علي الغلابه المطحونين ، الحكمة يعلمها الله وحده.
المهم المكان كان قول كده كانه معسكر قوم انا لما سمعت الخير كنت هاروح ف النوم و الراديو شغال قمت مصحى اللى معايا وهما اتنين فى الاوضة اللى ف المعسكر دى وسجدت سجدة شكر اه و الله
و الناس بلمت جدا فتحنا التليفزيون لقيت واحد بيتكلم زى نشرة كده و بيدمه و الواد تامر بسيونى المذيع اللى لامؤاخذه ده هايموت م العياط و بيطلب يسمع السلام الوطنى قوم يسح اكتر
اللى حواليا بقى بلموا انا الوحيد اللى كنت فرحان و كل الكلام هانعمل ايه البلد هيبقى شكلها ايه مين هيحكمنا
اعتقد ان الموقف ده نفسه اللى وقع فيه عمر مكرم باين
يا ولاد الحلال حد يجيبلنا رئيس من بره عشان يحكمنا اصلنا بقينا اهلى و زمالك ماينفعش حكم محلى ولا اقولكم نجيب محمد على تانى اهه برضه عمل شوية شغل جامد مع انه قتل من عيلتى كتير
نجحوا فى قتل كل القيادات
نجحوا يخلونا نتهبل لمجرد اننا نسمع انه مات
نجحوا يخلوا الغلابة تصدق ان مصر مبارك ماتنفعش تكون الا مع العيله المالكة التى تحمل اسم مبارك
و الله يمكن يكون عندهم حق و احنا اللى مش فاهمين اصلا
تفتكروا لو سالنا نفسنا السؤال العتيق مين ممكن يحكمنا؟ السؤال اللى الناس كلها ترعبك وهى بتسالهولك و كان الكام و سبعين مليون لمؤاخذه مافيهومش حد بيفهم ولا ذاكر و لا عمل دراسات ولا راجل اعمال ناجح ولا فيهم فذ و زكى
المشكله اننا متخيلين اللى يحكم لاوم يبقى استاذ اقتصاد و سياسة و حرب و اجتماع و عربى و حساب
لا و الله و الكل ممكن يفتكر من 26 سنى كان ازاى
هو المفروض يكون شخصية سوية على علم بما يحيط به و عنده فكر و معاه معاونين فى كل المجالات يساعدوه وهو بشخصيته و توازنه يعرف يكون اخر محبس للقرارات
لك الله يا مصر
لك الله يا مصر
وحسبي الله و نعم الوكيل

شخبطة ملوكى

- تناحرت قوى الشعب بعد الوفاه وشهدت الاسواق تكالبا على تخزين السلع الغذائية الاساسية و اعلن الحداد العام.
- هبط سعر صرف الجنيه المصرى امام الدولار نظرا للتكالب على شراء العملات الاجنبية و سفر الكثيرين لخارج البلاد توقعا لحرب ضروس بين قوى الشعب المختلفه .
- خرج علينا الجهبذ صفوت الشريف يعلن ترشيح الحزب الوطنى للسيد جمال مبارك خلفا لوالده حيث انه ليس هناك من هو اجدر منه باستكمال مسيرة التنمية و الخير و دخول مصر عصر العلم و التكنولوجيا و النووى.
- قادة العرب جميعا يعزون السيد جمال مبارك و يبايعونه رئيسا لمصر فليس هناك اجدر منه لاستكمال مسيرة العماله العربية لامريكا فليس من مصالحهم ان يخرج عليهم من مصر من هو على شاكلة ناصر يعادى الغرب و يجر المنطقة لويلات حروب و عداء جديدة مع سيدة العالم.
- الدكتور احمد نظيف يعلن ان الاستفتاء على ترشيح السيد جمال مبارك سيكون فتحا جديدا للشعب و التصويت سيكون من الموبايل على غرار تصويت ستار اكاديمى ، وشهد السوق اختفاء حادا فى كروت الشحن ووصل سعر الكارت اابو 100 جنيه الى 500 جنيه مع اول اعلان عن شكل التصويت الجديد.


طارق المملوك
3/10/2006

ليست هناك تعليقات: