شريط اخبار شخبطة ملوكى

الاثنين، مارس 12، 2007

شاركونا فى القصاص من السفاح الصهيونى

(وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ)


الاخوة الاعزاء

شهداءنا ينتظرونكم الا تخذلوهم وان تحثوا الادارة المصرية للسعى فى القصاص من السفاح اينما كان و مهما مر من زمن

فنحن لا ننسى حق اخواننا و ابائنا

ارجو ان تشاركونا فى تلك القضية بارسال الرسالة المرفقة ادناه الى وزارة الخارجية لحثها على القصاص و تفعيل القضية لاعلى مستوى عالمى




البريد الالكترونى لوزارة الخارجية : minexter@idsc1.gov.eg

رئاسة مجلس الوزراء : primemin@idsc.gov.eg

وزارة الدفاع و الانتاج الحربي : mod@idsc.gov.eg

*******


******




السيد / أحمد على أحمد أبو الغيط

وزير الخارجية المصرى

نرى و نسمع الكثير منذ سنوات و عقود عن اسرى مصر البواسل الذين لقوا وجه ربهم شهداء على ايدى العدو الغادر الصهيونى

لم ينالوا شهادتهم فى ميدان المعركة ، ولم يقاتلوا ، ولم يكونوا وقتها حاملين سلاحهم يدافعون عن انفسهم حتى الموت ، غدرت بهم يد الصهاينة الاوغاد و هم عزل بلا حق دفاع عن انفسهم ولا سلاح يحميهم ، كانوا اسرى حرب تحملوا مرارة الهزيمة و تحملوا غدر العدو المتوحش ، فلا يجدر بنا الا ان ننصفهم مرة و لا نغدر بهم الثالثة

نحن من شعب مصر الاصيل وليس منا الا من له شهيد فى بيته او اسرته او عائلته او فى حيه الذى يقطنه ، و من هنا نخاطب فيكم مصريتكم ان تثأروا لدماء الشهداء والا نخذلهم و نخذل دموع الاباء و الامهات و الابناء الذين ينتظرون القصاص فى الدنيا من المجرم السفاح ، قبل ان يقتص لنا الله تعالى منهم فى الاخرة

نتمنى جميعا ان نسمعك فى كل المحافل تحمل ملف القضية فانت كما عودتنا سابقا وقت ان كنت مندوبا لمصر فى الامم المتحده تسعى بكل الطرق لنيل حق مصر المشروع فى قضايانا العظيمة
(وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ)

لكم منا خالص الدعاء بالتوفيق فى خدمة الوطن


شعب مصر الذى ينتظر القصاص
*****
تحديث
*****
دعا الاخوة المدونون واختنا نوارة نجم فى مدونتها جبهة التهييس الشعبية الى التوقيع على عريضتين
الاولى تقدم للامم المتحده تطالب محكمة العدل الدوليه بالتحقيق ومحاكمة المجرمين السفلة
وقع هنا
الثانية تقدم لنقابة المحامين لرفع قضية ومحاكمة المجرمين السفلة
*****

هناك 22 تعليقًا:

Pakinam Nasser يقول...

انا بضم صوتى لصوتك انا نشرت نسخة من الرسالة على مدونتى و سارسل الرسالة لكل من اعرف و اتمنى من الكل فعل ذلك ايضا ، فهولاء الاسرى الشهداء هم من ضحوا بدمائهم من اجلنا و من اجل ان نعيش فى سلام ، و اقل ما يمكن ان نفعله هو ان نرسل تلك الرسالة

غير معرف يقول...

الحمد لله
لسه مخلصة فرجة عل ىلاعاشرة مساءا و كنت فى اشد الغضب لكده

و قلت يا ريت المدونيني يعملوا حملة فى الموضوع ده

و الموضوع اتحقق اهوه
علينا بنشر الرساله لكل المدونيين عل ىاختلاف اتجاهاتهم الفكرية

تحياتي

بنت سعد

nezar muhammad يقول...

انا من المؤييدين لهذه الفكرة، وكلي امل ان تنجح هذه الفكرة في استرجاع جزء ولو صغير من حقوق هولاء الشهداء المعلق في رقابنا جميعاً، والذي سوف نحاسب عليه يوم لقاء رب عظيم، ويستحضرني الان ما شاهدته من قرابة الثمانية اعوام علي قناة الجزيرة ببرنامج سري للغاية، واعتقد ان الكثير شاهد هذه الحلقات المتعلقة بالاسري المصريين وما حدث من جرائم وحشية وانتهاك حقوق الانسان في حق الاسرى المصريين والذي كان من الواضح ان الحكومة المصرية لم تحرك ولو لعمل سجل بمثل هذه الاحداث والوقائع وتسجيلها تاريخياً للمطالبة بحقوق هؤلاء الاسرى الذين خذلوا مرات عديدة من الحكومة اول مرة عندما تركوا في ساحات المعركة بدون حماية ولا حتى خطة للانسحاب وكانهم من شعب اخر ومن بلد اخري والمرة الاخري عندما قامت الحكومة بتجاهلهم وعدم القيام حتى بعمل احصاء للعدد الاسرى المفقودين في الحرب وثالثاً عندما سمحوا لاسرائيل بالاستهزاء بنا عندما كانوا يبادلون الاسير المصري ببطيخة ولو كانت مش حمراء كانوا يقتلون الاسير والله العظيم حد يقول ان ده تصرف واحد بيحترم بلده، ده حكومتنا هي الي .......... حمراء، ودلوقتي لا نستبعد انه يطلع علينا واحد يقول احنا مش عايزين نصحي الموضوع ده ما احنا برضوه قتلنالهم ناس وده حرب وخلصت ومش عايزين انهم برضوه يجيبوا ادلة وبراهين اننا برضوه عملنا معاهم اللي ميتعملش ويحاسبونا دلوقتي فيه شالوم يا حبيبي او زاي وزير الخارجية المحترم اللي طلع زاي السبع وصرح مش معقول حنعمل مشكلة علشان فلم اتعرض اكننا بنتكلم عن بلد ثانية وشعب ثاني وناس ثانية خالص ومن الممكن برده انه يتبرع بشوية من المواطنين لمؤخذه قصدي من الناس الغريبة اللي اسمهم الشعب ولاد اللزينة الكثير دول اللي الحكومة مش عارفه تعمل معاهم ايه ناكرين الجميل علي طوول الخط، وكل اللي اقدر اني ارده عليه هو "رحمك الله إذا كان يرحم الجبناء" والله العظيم عيب عليهم الخيبة والقرف اللي احنا وصلنا ليه ده بجد بقي حالنا يقرف

hesterua يقول...

انا معاك فى ده

بدون مبالغة الواحد دمه محروق بطريقة غريبة
اللى يغيظ بعض الناس من المدعين اللى بيتفهوا شعور الغضب اللى عندنا ده
الله ينور عليك

بنوتة من وسط البلد يقول...

انا بستأذنك انى نشرت نسخة من نص هذه الرسالة على مدونتى

وجزاك الله عنا كل الخير

جبهة التهييس الشعبية يقول...

القصاص لأرواح شهداءنا من الاسرى

جبهة التهييس الشعبية يقول...

يا خويا انا بقيت هايفة قوي

قعدت اسمع الغنوة اللي انت حاططها واعيط

وبقالي مدة باشتكي من الاعراض دي

كل ما اسمع غنوة وطنية اعيط حتى الاغنية الكوميدية: يبقى انت اكيد اكيد في مصر

ربنا يرد غيبتك يا طارق

بنـت ســعد يقول...

رجاء قرآءة اخر بوست فى مدونتي

تحياتي

شــــمـس الديـن يقول...

انا معكم

و لنجعلها حملة لمدة اسبوع علي الاقل

IBN BAHYA يقول...

خطوة ممتازة .. مشكور عليها

وقعت ووقع معي كثيرون وسنستمر في المطالبة بدم أسرانا ودم كل مصري يريد النظام بيعه بثمن بخس أو السمسرة بده

دم المصريين ليس للسمسرة

أرق تحياتي

انا من اهوى ومن اهوى انا يقول...

كلنا بنضم صوتنا لصوتك
لازم نحط مكبرات صوت علشان العالم كله يسمع صوت انين كل قلب مصرى فقد ابن من ابنائه لازم الدنيا كلها تعرف ان الهولوكوست مكنش فى المانيا والهولوكوست محصلش لليهود لاء دا حصل هنا على ارض سينا بايد اليهود لازم يعرفو ان هتلر جمب قادة اسرائيل مجرد طفل برىء بيحبى
ربنا معانا

( لن يغير الله مابقوم حتى يغيرو مابأنفسهم )

ابو يحيى يقول...

طيب يا عم طارق
ومن غير ياس ولا حاجة
شاركت في الحملات كلها وبعت
وبعد السنين الطويلة دي مع النت شاركت في الاف الحملات ومضيت الاف العرائض و بعت عشرات الالاف من الايميلات
وبعدين؟؟؟؟؟؟؟؟
انا شايف ان الحل مش الانترنت يا صاحبي
الحل في الشارع
الحل هو اللي عمله العمال في المحلة وكفر الدوار
ولو كان عندهم طموح اكبر وقادة اقدر يتفاوضوا كانوا فرضوا ارادتهم على الاحتلال المباركي لمصر
الحل زي ما قلت لك
مليون شهيد يفتدوا بقيت الثمانين مليون مصري

شخبطة ملوكى يقول...

اشكرك يا باكى على المشاركة و الهمة التى لمحتها بين الكلمات
فعلا اقل ما ينبغى فعله هو بذل بعض الوقت و المجهود
اشكرك

شخبطة ملوكى يقول...

بنت سعد
اشكرك على الحماسة و المشاركة
واتمنى ان يصل صوت المدونين الى اعلى المستويات و ان نفعل ما علينا و ربنا يسهل عسى ان يكون رد الفعل طيب ان شاء الله

شخبطة ملوكى يقول...

نزار محمود
صدقت اخى الحبيب
دلوقتى فيه شالوم و نوم فى العسل كمان
لازم نصحى و نفوق و نعرف حقنا و حق ولادنا راح فين
لازم المجرم ياخد نصيبه فيما اقترفت يداه
اشكرك

شخبطة ملوكى يقول...

اخى العزيز hesterua
اشكرك على تشجيعك و كلماتك
يا عمنا نسيب المحبطين يقولوا زى ماهم عاوزين
حنا لازم نفوق و محدش يحبطنا ابدا
ووقتها هتلاقى العالم دى جاية ورانا ومكسوفين
وان شاء الله اليوم ده قريب

شخبطة ملوكى يقول...

بنوتهة
اشكرك على مرورك و مشاركتك
يشرفنى و يسعدنى نقل الموضوع فى كل الدنيا لانه مش هاينجح الا بعمل جماعى نشارك فيه جميعا

شخبطة ملوكى يقول...

نوارة
اشكرك على دعاءك الجميل و امنياتك الرقيقة
وصدقينى الحالة اللى بتجيلك بتجيلى صدقينى انا لما سمعتها هنا فى يوم كنا بنلعب بولسنج كنت بحبس دموعى بالعافية و اخدت جنب و بعد شوية قمت اغنى و الكل غنى معايا
مصر دى حالة غريبة و متفرده فى قلوب المصريين و فى قلوب العالم كله
ربنا يقومها و يرجعها لمكانتها الطبيعية تانى
اشكرك لمرورك اختى العزيزة

شخبطة ملوكى يقول...

اخى العزيز شمس الدين
اوافقك الراى
ونجعل الحملة حملات و لنصعدها الى اعلى المستويات و ايدنا ف ايد بعض و اكيد هانوصل لان الله لا يضيع اجر من احسن عملا
اشكرك

شخبطة ملوكى يقول...

ابن بهية
جزاك الله خيرا
واتمنى ان تصل تلك الغيرة و الحمية التى لمحتها بين كلماتك الى كل المصريين
اشكرك على روحك الرائعة اخى الحبيب

شخبطة ملوكى يقول...

انا من اهوى ومن اهوى انا
نعم اخى الحبيب هتلر جنبهم فعلا طفل برئ
اشكرك على مشاركتك و على مرورك
اتمنى ان يصل صوتنا لاعلى الافاق و سنرد حق الشهداء بعون الله و مصابرتنا

شخبطة ملوكى يقول...

اخى الحبيب طارق حمدى
نعم اخى الحبيب انا اعلم علم اليقين ان الحل فى الشارع
ولكن حتى يجيى الوقت المناسب يجب ايقاظ العقول و القلوب و الابدان التى صدأت من الركنه طوال تلك الاعوام
حتى يستطيعون الدفاع عن مبدا و حتى لا تكون هوجة و السلام يقضى عليها بشوية خراطيم مايه و غاز دموع
اشكرك على تفاعلك اخى الحبيب