شريط اخبار شخبطة ملوكى

الأحد، أبريل 01، 2007

عايزحقى يا حكومة


عايزحقى يا حكومة

الجزء الثانى من فيلم عايز حقى

*******


قررت الحكومة انتاج الجزء الثانى من فيلم " عايز حقى "
بعدما انتبه البطل المصرى البسيط الى حقوق المواطن فى ثروات المحروسة المنصوص عليها فى الدستور وبعد ان وجد الراعى الرسمى الذى يؤيده فى حملته و وفر له المكان و الاموال اللازمة لعمل المزاد الكبير و بعدما وجد الملايين الذين اعطوهم صوتهم و توكيلاتهم لاتمام تلك الصفقه التى سيبيع بها حدهم بالوكاله عنهم احد ممتلاكات الدولة وتوزيعها على الغلابة حتى لا يموتون جوعا انتبه البطل لبلده ووطنيته و فساد المشترى و الغرض السيئ الذى يسعى به المستثمر للتوغل داخل المحروسة ويبيت لها الغدر.
الحكومة بجلالة قدرها بقى قالتلك شوفوا بقى اللى بيحصل ممكن يودى البلد ف داهية كبيرة لازم نغير الدستور الاهبل ده و لازم نلغى اى حاجة عن الملكية العامة وان البلد ملك لولادها لحسن البلد اصلها اتملت مختلين عقلبا ، فاكين الراجل بتاع بورسعيد و الولد بتاع قصر الرئاسة و الواد بتاع بنى مزار اللى قالوا عليه سفاح وقتل 4 اسر و كمان الواد بتاع الكنايس اللى ف اسكندرية ، ياعينى البلد كلها مختلين وممكن واحد دماغة تاكله يبيع البلد باللى فيها و طبعا تبقى كارثه مش هايلاقوا هما حاجة يبيعوها و ياخدوا فلوسها ف جيوبهم و يرموا شوية فتافيت ف توشكى و كام كوبرى اذا كانوا لسه بيعملوا كبارى ماهم سيبينها تولع اهه و محدش بيتحرك
المهم جات الفكيرة بقى ف دماغهم ينتجوا الجزء التانى زى ما قلنا و لغوا المواد دى و الواد البطل الغلبان للفيلم تلاقيه دلوقتى ف سجن طرة ولا مرمى فى معتقل المغول بعد محاكمة عسكرية او الاشتباه فى كونه ارهابى
المهم بقى انا عاوز اسالكم تفتكروا الحكومة كانت مبيته الامر بانتاج فيلم يبين ان الدستور اهبل و عاوز يتغير لانه مشكله انه يكون فى ثغرة زى دى
ولا الفيلم هو اللى سبق و نبه للنقطة و الحكومة بنت رد فعلها على فيلم ماحنا عارفين بقى الصلة الوثيقة بين الفن و السياسة و كمان البشاوات اللى فوق بيموتوا ف السينما و مقضينها فرجة على الغلابة من شبابيك تراساتهم اللى فوق؟
مش عارف بجد هما هبل ولا بيستهبلوا على اخر الزمن ياريت بس مايجيش واحد يعمل فيلم عن واحد وقف تحت شباك الحكومة يشتم او يزعق بصوت عالى و يصحى جلالته من النوم قوم يطلع تعديل دستورى بقطع ألسنة الشعب كلهم
كل واحد بقى يخاف على لغاليغة
*****
طارق المملوك
31-3-2007

هناك 21 تعليقًا:

قاسم أفندي يقول...

عزيزي طارق
هو الحقيقة الجديد في الدستور المعدل هو انه يظهر متفصل تفصيل لبضعة اشياء علي رأسها التخلص من الاخوان وده الهدف الأول علي ما يبدو وثانيا التخلص من القضاء الحر وده لا يقل عن الهدف الثاني والهدف الثالث هو خصخصة املاك الشعب لصالح الحكومة وطبعا تصب هذه الأهداف الثلاثة في صالح الهدف الأسمى وهو التوريث بالطبع
الفيلم أكبر من كده بكتير يا عزيزي .. فيلم هندي يعني
بس موضوع التفصيل ده زايد حوالي عشرين الف نمرة يعني شكلها بصراحة كده عرٌة وواااااااسعة أوي
تحياتي

Mohamed A. Ghaffar يقول...

لا هبل ولا استهبال فقط مكر السيئ مصداقاً لقول الله عز وجل

بسم الله الرحمن الرحيم
اسْتِكْبَارًا فِي الْأَرْضِ وَمَكْرَ السَّيِّئِ وَلَا يَحِيقُ الْمَكْرُ السَّيِّئُ إِلَّا بِأَهْلِهِ فَهَلْ يَنظُرُونَ إِلَّا سُنَّتَ الْأَوَّلِينَ فَلَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا * أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ إِنَّهُ كَانَ عَلِيمًا قَدِيرًا
صدق الله العظيم
صوة فاطر أيه 43 & 44 صفحه 439 مصحف المدينة

ولسوف تصدق فيهم باق الأيه

ibn nasser - ابن ناصر يقول...

هههه انا عايز حقي في عدم احتلال حزب للسلطه بس ,,
تحياتي لابو دم ملوكي

lonely يقول...

الموضوع وما فيه ان تعديل الدستور خلى مصر اصبحت التكيه بتاعتهم لا اكثر ولا اقل
عارف اللى بينشر اعلان وظيفه فى جرنال ويبقى فاضل يكتب فى الاخر اسم صاحبها اللى هو اتعين فيها اصلا قبل الاعلان ما ينشر بيجى شهرين تلاته
اهى حاجه زى كدا

جبهة التهييس الشعبية يقول...

هي اصلها بتتباع بتتباع

المشكلة فين حصتنا من البيعة دي؟

Bella يقول...

كما قال قاسم افندي الدستور متفصل لعدة اغراض

اضيف عليها حماية المستفيدين من بيع البلد ونهبها

فقد تم حسب التعديات الاخيرة التخلص من جهاز المدعي الاشتراكي وقانون من اين لك هذا

صحيح ان الكبار لايتم ملاحقتهم وهم في السلطة ولكن على الاقل كان هناك امل في ملاحقة اي منهم يوما ما

والبلد تم بيع اغلبها قبل التعديلات والباقي في الطريق

الصراحة الواحد خايف ييجي يوم يخرج من بيته يلاقي الباب مش بيتفتح لان رجل شخص محشورة في الباب وتمنعه من الخروج الا بعد دفع رسوم المرور

وهلم جرا

الكوبري لطلوعه مطلوب دفع كذا بدل استهلاك كوبري
وبدل استهلاك رصيف

وطول مااحنا ماشيين بندفع بدلات بدل ماحد ياخدهم

حاجة تقرف

شجره الدر يقول...

مساء ملوكى
من شجره الدر الى المملوك طارق
القاطن بقاهره المعز
يابنى ارجع يابنى
مش حيييييييلو علشانك
بلاش تفكر فى الحاجات دى كتير
الله يخرب بيت الدش اللى مرعكوا على الحكومه
مالو الدستور والتعديلات ما زى الفل
وبعدين ماتنساش مصلحه الدوله فوق الجميع
وتذكر انت فى قلبى
ههههههههههههههه
تحياتى الملكيه
باااااااااااااى

انا من اهوى ومن اهوى انا يقول...

هنا القاهرة القاهرة القاهرة
هنا القاهرة الساحرة الاسرة الهادرة الساهرة الساترة الهادرة السافرة
هنا القاهرة الزاهرة العاطرة الشاعرة النيرة الخيرة القاهرة
هنا القاهرة الصابرة العاطرة الشاعرة النييرة الخيرة الطاهرة

هنا القاهرة الساخرة القادرة الصابرة المنذرة الثائرة الظافرة
هنا القاهرة القاهرة القاهرة
صدى الهمس فى الزحمه والشوشرة اسى الوحدة فى اللمه والنطورة
هنا الحب والكدب والمنظرة نشا الغش فى الوش والافترا هنا القرش والقش والسمسرة هنا الحب والحق والرحمه والمغفرة هنا القاهرة القاهرة القاهرة
وانا فى قلب دوامتك الدايرة بينا بزعق بحبك يا اجمل مدينه ، يا ضحكه حزينه يا طايشه ورزينه بحبك واعفر جبينى فى ترابك واعيش رحابك واقف جمب بابك بحبكب بحبك يابنت اللذينه .
لعمنا الشاعر سيد حجاب .

hamasat يقول...

ياجماعة انا اتعقدت بجدوالمشكله اني مش شايفه بصيص امل او بمعني اصح ثغرة ممكن ندخل منها ونحاول نعمل حاجهوالاصعب انها بتسد نفس ناس متغربه اكتر واكتر واكتر عن التفكير في زيارة بلدهم وناسهم لما آلت عليه الاوضاع
يعني بمعني الصورة كانت سودا سودا وكل شويه بيزيد سوادها في كل المجالات ما فيش حد يحاول يفتحها لنا شويه؟

شخبطة ملوكى يقول...

ايمن افندى
طبعا عندك حق التعديل شامل و مدروس كويس قوى و بهدؤ و متسوى على نار هادية لمصلحة قلة صغيرة جدا من شعب مصر و المقصود طحن الغلابة و هرسهم
تحياتى

شخبطة ملوكى يقول...

اخى محمد عبد الغفار
بوعد الله ستصدق فيهم الاية كاملة و سياتى اليوم الذى نراهم فيه يذوقون نفس الكاس و امر منها ان شاء الله
تحياتى

شخبطة ملوكى يقول...

اخى العزيز ابن ناصر
وانا كمان عاوز حقى هههههههههه
خلينا نولع فيهم بقى و نعمل عليهم مزاد بس ماعتقدش يجيبوا تكاليف المزاد اصلا
تحياتى

شخبطة ملوكى يقول...

lonely
طيب تفتكرى الاعلان بتاعهم فاضل ينكتب تحته ايه؟
مطلوب دم غلابة مصرى لزوم ترميم جتت معندهاش دم
ايه رايك؟
تحياتى

شخبطة ملوكى يقول...

نوارة
حصتنا ايه بس يا نواره ده احنا اتباعنا احنا كمان
هايدونا ايه بقى ؟
هايدونا فى سنانا
تحياتى

شخبطة ملوكى يقول...

bella
مظاهر الفساد و التسلط و فرض الاتاوات بقى منتشر فى كل مكان
و هايخدوا رسوم على العيال للى يجيب اكتر من اتنين و يمكن كمان على النفس اللى بنتنفسه
قفلوا علينا سبل الحياة و لوثوا كل ما حولنا من هواء و ماء و طعام
مش فاضل الا انهم يقتلونا عينى عينك
اشكرك

شخبطة ملوكى يقول...

شجرة الدر
طبعا بما اننا من سلالة المماليك وانتى اول ملكة يبقى لازم ارحب باول مرور ليكى هنا
ويخرب بيت الدش و سنينه الف مرة
تحياتى

شخبطة ملوكى يقول...

اخى محمد فوزى
تصدق انى كنت بدور على كلمات الاغنية من زمان؟
ربنا يخليك يا حماده
تحياتى

شخبطة ملوكى يقول...

همسات
هاتتحل و اكاد اقسم لك هاتتحل
والدنيا هاترجع تانى صدقينى التاريخ بيقول ان الشعب ده لما بيضيق عليه الخناق قوى كده بيقوم و يفوق و ربنا يسخرله اللى يقوده
وهافكرك
تحياتى

عمرو غريب يقول...

المدونة و الموضوع رائع رائع واتمني كتابة الكثير والكثير من الموضوعات

شخبطة ملوكى يقول...

اخى العزيز عمرو
اشكرك لمرورك و اطراءك و اتمنى ان اكون دائما على نفس المستوى الذى راق لك
تحياتى

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室