شريط اخبار شخبطة ملوكى

الاثنين، مارس ١٩، ٢٠٠٧

شخبطة ملوكى / حوار مع مصطفى الفقى .. وتعليقى

حوار مع مصطفى الفقى .. وتعليقى
*****
حوار غريب مع سياسي دبلوماسى اعتقد انه وفق فى جزء منه و لم يوفق فى اجزاء و كانت اللهجة المستخدمة مستغربة ان تخرج عن دبلوماسي يجيد الحوار و اختيار الكلمات
عموما حبيت افش غلى و افك نفسي كده و اترحرح و ارد على كل نقطة
معلش اصلى ممل و لو مكنتش عملت كده كنت هاطق و اموت
سامحونى و اصبروا معايا و مستنى رايكم

طارق المملوك


الفقي: الإخوان المسلمون "جماعة ماسونية" ستواجه بالمادة الخامسة من الدستور
كتب أحمد حسن بكر (المصريون): : بتاريخ 18 - 3 - 2007
*****
اعترف الدكتور مصطفي الفقي رئيس لجنة العلاقات الخارجية بمجلس الشعب أن التعديلات الدستورية التي يناقشها مجلس الشعب تمهيدًا لإقرارها بصورة نهائية ليست "وردية"، وأنما هي مخاض للمرحلة الحالية بما لها وعليها، مشاركا نواب المعارضة والمستقلين تخوفهم من خطوة تعديل المادتين 88 و179 من الدستور، الخاصتين بإلغاء الإشراف القضائي على الانتخابات واستحداث قانون لمكافحة الإرهاب.وأكد في لقائه مع طلاب وأساتذة جامعة الإسكندرية مساء أمس الأول أن الإشراف القضائي على الانتخابات قلل من نسبة التزوير، لكنه أشار إلى عدم وجود إشراف قضائي كامل على الانتخابات (قاض على كل صندوق انتخابي) إلا في مصر فقط.
*****
اعتقد ان الدكتور نسي انه فى مصر وان حجته بعدم تطبيقى قاضى لكل صندوق فى اى مكان بالعالم الا مصر حاجة عادية لان مافيش فى اى جمهورية غير مصرحكم ابدى و توريث غير معلن و جس للنبض و فساد و حكومة غير مرغوبة من الشعب و تزوير استطلاعات راى زى ان الشعب يبحب نظيف بنسبة 85% وانا اكاد اقسم ان مافيش 85 واحد بس بيحبه مش 85% وبما ان ده الوضع و التزوير عينى عينك فى المحاكم و الاحزاب و الانتخابات وتزوير فى ورق اعضاء مجلس الشعب و كل شوية نلاقى واحد طالع من لمجلس بحكم .
يا دكتور رغم ان ثقتنا فى القضاء ليس 100% فهم من الجهات المستقلة التى تعلو فيها نسبة النزاهة و عدم الولاء لاحد طيب ممكن تقولى مين هايراقب الانتخابات؟ الشرطة بتاعت الحكومة ولا الجيش بتاع الحكومة ولا موظفين القطاعات الحكومية اللى مالينها رشاوى ولا بلطجية الاعضاء ولا المدرسين اللى بيبيعوا العلم ف البيوت؟ تفتكر البديل ايه؟؟؟
*****
وأوضح أنه يشارك المعارضين مخاوفهم إزاء استحداث قانون لمكافحة الإرهاب، لأنه لا يضمن عدم امتداد يد القائمين على تنفيذ القانون إلى المواطنين الأبرياء، وإن شدد على أن القانون المزمع إصداره سوف ينصب مباشرة على الجريمة الإرهابية فقط، والتي تحتاج إلى إجراءات استثنائية.
*****
طيب كده تمام قوى يعنى فانون الطوارئ كان بيتيح للداخليه انها تقبض عليك اشتباه و ممكن بعد شوية تسيبك كده بقى يا بطل لما يحبوا يقبضوا عليك هايتلككولك و يلبسوك قضية ارهاب و ابقى قابلنى لو حد عرف عنك حاجة تانى ولا حتى عينك تشوف النور
من جهة أخرى، طالب الفقي بالتخلي عن ما أسماها "التابوهات" التي لا وجود لها في الواقع حيث أكد أن نسبة العمال والفلاحين لا وجود لها في الواقع رغم النص الدستوري عليها، مستشهدًا بوجود 24 لواء شرطة سابق أعضاء حاليين بمجلس الشعب تحت صفة فلاح.


طيب مانتو عارفين كل حاجة اهه وانتو اللى بتخرجولهم الشهادات دى على انهم عمال او فلاحين. طيب سايبينهم ليه و ملبيسنا العمة ليه ؟ ولما ييجى واحد من بره حزب الكبار يحاول يثبت انه عنده ارض او غيره يلاقى كل السكك مقفوله ف وشه صحيح بلد عمال و فلاحين. طيب تفتكروا لو لغوا العمال و الفلاحين ممكن حد غيرهم يدخل المجلس؟ مش عارف و بعدين صحيح ازاى كنت هانسي هو العمال و الفلاحين عندهم القدرة انهم يدفعوا تكاليف الحملة اياها اللى بتعدى المليون؟
*****
وأشار إلى عدم وجود مجانية التعليم حقيقية رغم ما يطالب به البعض من الحفاظ عليها، مؤكدًا أنها ليست سوى شعار لا أكثر ولا أقل، معترفًا بتدهور أحوال التعليم في مصر رغم أنه البوابة الحقيقية لنهضة مصر، حسب وصفه.
*****

طيب كويس يا دكتور يبقى اللى بيبنى مدارس و بيقبض المدرسين اللى فيها و بياخد مصاريف مالهاش لزمة لان العيال مابيتعلموش يبقى عاوز الحرق و يبقى الحكومة فاشله فى توفير سياسة واضحة و مفيده للتعليم فى البلد وطبعا سيادتك تدعو بقى الاصدقاء من رجال الاعمال ببناء مدارس و الاستثمار فيها و يطلعوا عنينا فى المصاريف و نرجع نقول تانى ابن الجناينى بقى ظابط يا انجى .. مش هو ده اللى انتو عاوزينه بلد مايتعلمش فيها الا الاغنياء فقط عشان تضمنوا ان ولادكم وولاد ولادكم هما بس اللى يفضلوا فى اعلى المناصب .. الله يرحكم يا محمد على باشا ياللى عملت من الغلابة اعلام فى الثقافة و الجيش و الصناعة ..
*****
وأعرب الفقي عن أسفه لتراجع دور الأزهر، وطالب شيخه الدكتور محمد سيد طنطاوي بعدم الذهاب إلى بابا الفاتيكان، محذرًا من أن ذلك سيكون خطيئة كبرى.وقال إن بابا الفاتيكان بنديكيت السادس عشر هو الذي يتوجب عليه زيارة الأزهر للاعتذار عن خطئه بحق الإسلام والمسلمين بتصريحاته التي قال فيها إن الإسلام انتشر بحد السيف، وأشار إلى إنه إذا كان لابد أن يذهب أحد إلى الفاتيكان فليكن وزير الأوقاف لأنه غير محسوب على الأزهر.
*****

دى بقى عندك فيها نص حق وليك عندى حق عرب طبعا شيخ الازهر مايروحش و البابا هو اللى ييجى و يعتذر بالظبط بس وزير الاوقاف كمان مايروحش يروح بتاع ايه وبصفة ايه ان شاء الله ده وزير كبيرة يلم الايراد و يوزعه ع الغلابة و ياريته بيعرف واله ما عارف ايه لزمته يشرف ع الجوامع امال الازهر بمشايخه يعملوا ايه.
*****
وتطرق إلى مطالب الأقباط في مصر التي قال إن بعضها عادل، لكنه انتقد ثورة الأقباط المفتعلة لما يسمونه بخطف الإناث، مؤكدًا أن ما يردده الأقباط في هذا الشأن قصص وهمية لا أساس لها من الواقع لأنه لا أحد يخطف أحد.وقال إنه كما تتزوج مسيحيات بمسلمين تزوج مسلمات من مسيحيين وإن هناك عشرات الحالات بالجانبين، لافتًا إلى أن هناك مسلمات تنصرن وهربن إلى الخارج مع شباب أقباط وتزوجن دون قهر وإكراه، حسب قوله.
*****

ماشي انتقد براحتك وقول زى مانت عاوز طيب ليه مش بتقولوا فى وسائل الاعلام كده و ليه بتصبروا عليهم فى مظاهراتهم لما بيضربوكوا بالجزم و الطوب وتطلعوا عين اللى جابوا اى واحد بدقن طالع من جامع بعد صلاة الجمعه لو قال شعار بس ، انا مش معترض انك تصبر بس تصبر على الكل مش ناس و ناس وانا من هنا بطلب المساواه فى التعامل بين مظاهرات الاقباط و مظاهرات المسلمين.
*****
وكشف الفقي في سياق حديثه أن المجلس القومي لحقوق الإنسان يفكر حاليا في مطالبة الحكومة بإصدار تشريع موحد لبناء دور العبادة (مساجد وكنائس) بنسبة 10 إلى 1- أي بناء كنيسة مقابل 10 مساجد-، واعتبر صدور مثل هذا القانون سوف يريح الجميع.
*****

طيب بالذمة مجلس حقوق الانسان هو اللى هايجيبلنا حقنا؟ و بعدين باى حق انه يحدد نسبة المساجد للكنائس؟ طيب الكنائس شعوب و ابراشيات و لها تقسيم خاص بيها انما المساجد لا وبعدين المسادج اللى بتتراح كل يوم 5 مرات على الاقل يبقى استخدامها اكتر و اكبر مايشوف الناس فى صلاة الجمعة بتبقى قاعده بره المساجد فى حر الصيف وزمهرير الشتاء الاول عادل الموضوع و كفى الناس مساجد و ابقى اتكلم عمرنا ما شوفنا حد من الاقباط فى الصلاة واقف فى الشارع كفى مساجد و بعدين اتكلم، وحاجة كمان لو انا راجل مقتدر و معايا قرشين و عاوز اكسب ثواب يعنى وابنى مسجد هاتمنعونى؟ المساجد لهها استخدام يومى ومتفاعل مع الحياه و العمل ويجب توفرها بالقرب من البيوت و داخل العمل لطبيعة صلاة المسلمين و اوقاتها مش معقول مثلا تمشينى كيلو عشان اصلى الفجر غير العدد فيه فى القانون المعمارى و التخطيطى حاجة اسمها مسافات سير يجب ان توفر للمصلى ، الموضوع محتاج دراسة مش واحد بدبلون يحله فيه خبراء مركونين على الارفف مش لاقين اللى يشغلهم ياريت تستفيدوا منهم.
*****
وشن الفقي الذي صاحب فوزه في الانتخابات البرلمانية جدل واسع، هجومًا حادًا على جماعة "الإخوان المسلمين" ووصفها بأنها "فصيل سياسي ماسوني غير مندمج"، وهو ما اعتبره مبررًا للمادة الخامسة من الدستور التي تنص على رفض قيام أحزاب سياسية على أسس دينية، ونصح الجماعة بعدم السعي لإنشاء حزب سياسي على أساس ديني وطالبهم بخوض أي انتخابات قادمة كمستقلين أو على قوة أي حزب سياسي مدني يندمجون فيه.وأكد الفقي أن جماعة "الإخوان" فيصل من الحياة العامة المصرية لا يمكن إنكاره أو حرمانه من العمل السياسي لكن بشرط أن لا يكون تحت مظلة حزب ديني،واعترف الفقي أن المقاعد البرلمانية التي حصلت عليها الجماعة كانت نتيجة لضعف أداء الحكومة ونقص الخدمات الجماهيرية، متوقعًا في حال خروج ما وصفها بـ "الأغلبية الصامتة" ألا يكون هناك إخواني واحد بمجلس الشعب.ووصف الفقي، "الإخوان" بأنهم الأب الشرعي لكل الجماعات الدينية في مصر منذ القرن العشرين وحتى اليوم، محذرًا الجماعة من استمرارها في الخلط بين الدين والسياسية، مؤكدًا أن كل المحاولات المماثلة على مر التاريخ كانت تصب دائما في غير صالح الدين.
*****

كلام غريب جدا و الاحزاب الدينية منتشره فى بلاد كتير و اكثر منا تحضرا و تقدما و بعدين الخلط بين الدين و السياسة ده الاصل و الغريب فعلا هو فصل الدين عن السياسة بالذات الاسلام لان الاسلام دين حياه مش دين فى دور العبادة و بس و الامثله كتير يا دكتور فمثلا مسانده عدو لدينك فى محاربة اخوك المسلم ولو بالقول فقط كبيرة و ذنب لا يغتفر ، يجب مثلا فى السياسة انك تقول كلمة الحق ولو امام سلطان طاغية و لكن طبعا مابتتقالش لاننا بنفصل الدين عن السياسة واعتقد ان ده اول الغيث بس لان بعد كده هاينطلب فصل الدين عن الحياة و الاكتفاء بالمساجد ده لو سبتوها ، شيلوه من التعليم ومن السياسة ومن المعاملات نقدية و غيره وان شاء الله زى ما حصل فى فرعون يتعمل تانى و اياكش تخرب بقى.
*****
في سياق أخر، أيد الفقي التمسك بالمادة الثانية من الدستور التي تنص على أن الشريعة الإسلامية هي المصدر الرئيس للتشريع، وقال إن الحكومة لا تقبل أي جدال حولها وأن هذا يرجع لأسباب غير دينية لأنها ليست مادة دينية.وأكد الفقي أن مبادئ الشريعة الإسلامية هي مصدر استلهام تشريعي في العالم كله باعتراف غير معتنقيها، مشيرًا إلى أن القائد الفرنسي نابليون بونابرت أخذ عنها وأن مرجعيات أوروبية عديدة وكذا الأمم المتحدة تعترف بها، موضحًا أن الدستور يتكلم عن مبادئ الشريعة وليس أحكام الشريعة.
*****

مصدر استلهام؟ مممممممممممممممم والله كلمة جديدة وفكرة برضه ينضحك بيها على الطائفتين كويس احنا نرضى بوجود الماده و الاقباط يرتاحوا ان منها استلهام بس زى ما كتير من المسيحيين عملوا فى الغرب ، ده ايه العبقرية دى ، عموما ماحنا عايشينها ايه هايتغير ما الفانون بعيد كل البعد عن الاسلام مع ان الماده دى موجوده فى الدستور منذ عقود يعنى يبقى الوضع على ماهو عليه المسلمين كسبوا عدم حذفالعبارة و الاقباط يتطمنوا ان الوضع مش هايتغير ماهما مش عاوزينه يتغير ولا حاجة بس هما بيضغطوا عشان احنا نرضى غرورنا لما الماده تتساب اننا نحس بنشوة انتصار و نكتفى و مانولش نفعل تلك المادة ... جميل رائع
*****
وحول ما تردد عن تزوير الانتخابات لصالحه في دائرة دمنهور، أبدى الفقي استعداده لترك مقعده بمجلس الشعب فورًا إذا قضت محكمة النقض ببطلان الانتخابات بسبب التزوير، إلا أنه استدرك قائلاً: "أما إذا قضت المحكمة ببطلان لأسباب لا علاقة لي بها فهذا لا يخصني".وقال الفقي إن رئيس المجلس الأعلى للقضاء شهد بأن الانتخابات بدمنهور سليمة ولم يقع بها أي تزوير، رافضًا الاعتداد بشهادة المستشارة نهي الزيني التي أشارت فيها إلى تزوير نتائج الانتخابات لصالحي، لأنها كانت تشرف على لجنة واحدة فقط وليس كل اللجان، حسب قوله.
*****

طبعا انا ماعرفش الحقيقة بس لو استطراده بالجمله الغريبة يدل على انه فيه حاجة ممكن يا جماعة بيجاملوه و الدليل انه مارفعش مثلا قضية يتهم بها المستشارة بتشويه سمعته و انها بتتبلى عليه ... عموما الله اعلم
*****
وقال الفقي ردًا على أسئلة الطلاب حول قضية قتل إسرائيل للأسري المصريين في حرب 1967 إن إسرائيل تعمدت تسريب هذا الأمر لإحراج القيادة السياسية وجرح كرامة مصر وتخويف الشعوب العربية كما فعلوا وسربوا حكاية الملف النووي الإسرائيلي، مشددًا على أن قتل الأسري تعتبر جريمة حرب لا تسقط بالتقادم مثلها مثل الهولوكست وما تعرض له اليهود في أفران ألمانيا النازية.إلى ذلك، حذر الفقي من اعتماد البعض على الولايات المتحدة من أجل الإصلاح السياسي والديمقراطي في مصر، مؤكدا أن واشنطن لا تريد لمصر ديمقراطية ولا إصلاح بدليل أنها أسقطت نظاما ديمقراطيا في دولة تشيلي واستبدلته بنظام ديكتاتوري موال لها، كما أنها أغمضت العين عندما اعتقل الرئيس السادات الآلاف في سبتمبر 1981 وقال "إن المتغطي بأمريكا عريان".
*****
كلام جميل يبقى النظام بتاعنا بقى عرفنا هو باقى ليه ؟ انت قصدك كده ولا انا بيتهيالى؟
طيب هانستنى من الحكومة تثبت مرة واحده ان لسه عندها سياسة خارجية رائعة و علاقات جامده تقدر ترجع بيها حق الشهداء اللى اتقتلوا على ايد العصابة الصهيوينة اللى عرفوا يبتزوا العالم كله و يلبسوهم حكاية الهولوكوست و الافران المشكوك فى صحتها ، وبما ان حضرتك راجل دبلوماسي عاوزين نشوف الحمله دى نتيجتها هاتكون ايه
يالا ربنا يسهلنا
*****
طارق المملوك
18-3-2007
*****
شارك في التظاهرة التدوينية
وقع هنا للقصاص أسرانا: إلى الأمم المتحدة
وقع للقصاص لأسرانا: إلى نقابة المحامين
وقع ضد التعديلات الدستورية
http://www.petitiononline.com/kxqf4436/petition.html
وقع لمساندة قرار وقف حفريات الاقصى
http://www.help-aqsa.org/sign/index.php

هناك تعليقان (٢):

غير معرف يقول...

صراحة انا بعد الانتخابات الاخيرة
وقبول الراجل اللي اسمه الفقي ده لمقعده بعد ثبوت تزويره
الراجل سقط من نظري خالص
ومجرد ما اشوفه ع التليفزيون اقلب المحطة
وكلامه كله بالنسبة لي في الكلتش
مش عارف يا اخي الناس دي بتجيب منين عين قوية كدا تواجه بيها الناس وهي ملطوطة؟
بجاحة مثقفين صحيح!
المهم يا معلم عايزين حملة لدعوة الناس انهم يقول لا في الاستفتاء
اهي حاجة نقابل بيها ربنا يوم القيامة
واسشهد اني قلت لا لمبارك في كل الاستفتفتاءات الرئاسية اللي عاصرتها في مصر وح اضل اقول لا لحد ما اموت بازن الله

شخبطة ملوكى يقول...

اخى الحبيب ابو يحيى
مش عارف بجد ماهو انا بقيت مقتنع ان اى واحد فى الحكومة دى لازم يبقى وشه مكشوف و بجح و معندوش دم عادى يعنى ايه الجديد
ان شاءسنحاول ترتيب الحمله بالشكل الذى نرتضيه و ربنا يكرم ونقول كلنا لا بصوت عالى
اشكرك اخى العزيز على المرور و المتابعة