شريط اخبار شخبطة ملوكى

الاثنين، مارس ٢٦، ٢٠٠٧

قلم فصيح

يا قلم خليك فصيح
قول قواله خلق خرست
ازعق .. اهتف
يالا صيح
يا قلم انت اللسان ..
يا قلم انت الكلام
لما تتكمم شفايف
لما يبقى الكل خايف
تصبح السهم اللى راشق
جوا قلب الجلادين
قول وقول
واملى قلب الكون كلام
فجًر المعنى اللى ساكن جوا قلبى
من سنين
*****
طارق المملوك
26-3-2007

هناك ٢٨ تعليقًا:

انا من اهوى ومن اهوى انا يقول...

يا قلم انت اللسان يا قلم انت الكلام

طارق الله عليك بجد ملوكى شعبى ومن دم ملكى .

يسلم قلمك ولسان قلمك .

اخوك : محمد فوزى

الأباصيرى يقول...

الللللللللللللله
جامدة جدا

فكرتنى بالشعر بتاع أحمد مطر


قلمى وسط دواة الحبر غاص
ثم غاص
ثم غاص
قلمي فى لجة الحبر أختنق
وطفت جثته هامدة فوق الورق
روحه في زبد الأحرف ضاعت في المدى
و دمى في دمه ضاع سدى
و مضى العمر و لم يأت الخلاص
آه ياعصر القصاص
بلطة الجزار لا يذبحها قطر الندى
لا مناص
آن لي أن أترك الحبر
و أن أكتب شعري بالرصاص



تحياتى

غير معرف يقول...

حلوة جدااا ، القلم بجد مهم و يمكن بقى هو الامل الوحيد ، و اكيد فى امل طول ما فى اقلام قوية و جريئة و رائعة زى قلمك و قلم الكثيريين

قاسم أفندي يقول...

القلم دفا
يحمي من برد الشتا
القلم صوت
يسمع فوق في السما
القلم سلاح
يلسع ع القفا
:)
جميلة بجد يا طارق بس ميمنعش ان دلوقتي كل ما بافكر في القلم بيكون القلم اللي خدناه علي قفانا مش حاجه تانية

Rania Lelah يقول...

سيبنى اشرب علشان انسى
حته قلم!!!!!
:(
بس يلا ربنا ستر
كلامك على طول حلو استاذ طارق
و بجد مش مستغربه اما بلاقى كلام احلى و احلى
يا رب ديما

أحمد سلامــة يقول...

برافوووووووو
ممتاه
بس قصيره قوي
يا راجل كمل كلامك الحلو و طوله شويه
بجد والله كنت عايزه أطول

محمد عبد الغفار يقول...

متقول ايه اللى حايشك اعدت تقول قول قول قول وفى الأخر مقلش

sara يقول...

يا قلم انت الكلام
لما تتكمم شفايف
لما يبقى الكل خايف
تصبح السهم اللى راشق
جوا قلب الجلادين

ماينفعش تعليق غير
اللـــــــه عليــــــــك

شخبطة ملوكى يقول...

اخى محمد فوزى
تسلم يا جميل على كلامك الرقيق
اسعدتنى اخى الحبيب
تحياتى

شخبطة ملوكى يقول...

الاباصيرى
وسام على صدرى ان اذكرك ولو بحرف من كلمات الراقى احمد مطر
رائع ما نقلته هنا من اروع الكلمات التى تقراها فى الشعر الحديث كعادة العبقى مطر
تحياتى

شخبطة ملوكى يقول...

باكى
اشكرك على التعليق و المرور
فعلا القلم سلاح من اقوى الاسلحة لانه يفيق امة و قد يقلب صمتها ثورة
وقد يقلب خضوعها عزة
وقد يحول طرقاتها الى لهيب على رقاب الجلادين
اشكرك

شخبطة ملوكى يقول...

قاسم باشا
هو احنا خدنا قلم وبس
ده قلم و شلوت ومقلب حرامية
بجد عملوها الوحوش فينا و قطعونا
هههههههههههههه
معلش يا قاسم باشا ربنا يعوض علينا

Fo2sh يقول...

veru nice
http://engafm.blogspot.com/

طهقان يقول...

تسلم إيديك
بس ايه الشخبطة الجامدة دي ؟




نسيت اسلم على أباصيري

-_- يقول...

تسلم ايدك يا ملك

الوردة السوداء يقول...

حلوة

شخبطة ملوكى يقول...

رانيا
اشكرك و الله على كلامك و اطراءك اللى بتمنى اكون مستحق ليه
اشكرك و اتمنى دائما مرورك

شخبطة ملوكى يقول...

احمد سلامة
اشكرك على كلامك ورايك الرقيق
الكلام اللى عاوز يقوله القلم كلنا عاوزين نقوله وكل واحد عاوز قلمه يقول حاجات ممكن يسرح بيها مع خياله و يقول
ممكن ابقى اكملها و اكتب تانى حاجات و حاجات تحت نفس العنوان
اشكرك اخى العزيز

شخبطة ملوكى يقول...

محمد عبد الغفار
تخيل ممكن تقول ايه و نصرخ بيه و نملى الكون
اعتقد كلنا فاهمين
و زى ما قلت ممكن نكملها و نفصح عن الكلام مرة تانى
طيب ما تيجى نعملها تاج
ايه رايك؟

شخبطة ملوكى يقول...

none
اشكرك على مرورك العاطر و اشكرك على التعليق
انتظر مرورك دائما

شخبطة ملوكى يقول...

fo2sh
اشكرك على مرورك
تحياتى

شخبطة ملوكى يقول...

طهقان
اشكرك على تعليقك الذى اسعدنى جدا
انتظر مرورك دائما اخى العزيز
تحياتى

شخبطة ملوكى يقول...

شارم
اشكرك يا جميل على المرور و التعليق الرقيق
جميل قوى اللقب اتمنى ان اكون على قدر الكلمة
تحياتى

شخبطة ملوكى يقول...

الورده السودا
اشكرك على المرور
انتظر مرورك دائما
دمت بخير

lonely يقول...

كلام جميل
بس بصراحه انا زهقت من كتر ما بنتكلم من غير فعل انا عارفه اننا مكتوفين ومقيدين وحتى الكلام كتير بيبقى ممنوع بس اكيد فى طريقه تانيه احنا ليسا موش لاقينها

شخبطة ملوكى يقول...

lonely
طبعا فيه طرق تانية كتير بس لازم نفوق الاول و الكلام بيفوق
الكلام يسبق الفعل
الثقافة تسبق الفعل
الوعى يسبق الفعل
و الفعل سياتى و ى الشارع حتما سيكون الحل و ليس بالاقلام و لكنها تلعب دورا هاما فى التجهيز
تحياتى

محمد عبد الغفار يقول...

نعملها تاج ازاى يعنى

شخبطة ملوكى يقول...

اخى العزيز محمد عبد الغفار
نعملها تاج باننا نخلى اقلامنا تقول اللى جواها كده على سجيتها
قول يا قلم مين عاوز تشطب عليه
مين يا قلم عاوز تكتب عليه
مين يا قلم عاوز تخبطة بسن الرصاص
مين يا قلم عيشنا قى عمر جاف
مين يا قلم شخبط ليالى عمرنا
مين يا قلم غيرى معنى كلمة وطن
اسئلة كثيرة علنا نستطيع الاجابة
شكرا و تحياتى اخى الحبيب