رحلتى للبحث عن بتاع

رحلتى للبحث عن بتاع

لما بتاع يتحكم فينا ..
يؤمر .. ينهى .. ويمحى الحاضر ..
زى ماباع الكل ماضينا ..
يبقى اكيد من حقنا نصرخ ..
ننسى البكا .. والزمن الغابر ..
ويا الصرخة .. بعلو الصوت ..
بس كفايه .. بعزم ما فينا ..
سيبها سمانا ..
وسيب اراضينا .. يا سبب الموت ..
* * * * * * * * * *
لما بتاع يحتل الارض ..
طايح فينا غرب .. وشرق ..
نازل طالع .. جرح و قتل ..
عايش بينا بطول و بعرض ..
كيف ما حلاله بيعمل فينا ..
نبقى حلاله ..
والله ده يبقى الحق علينا ..
لما جهادنا مايبقاش فرض ..
* * * * * * * * * *
لما بتاع يستحلى خداعنا ..
ويا مزاجه ..
وزى الوالى ما بده يقول ..
نلقى كلام مترتب جاهز ..
يوم بيحرم .. يوم بيحلل ..
داخل ودنى من السماعة ..
ومن الراديو .. وم الجرنال ..
واسمع بعده الكل يهلل ..
فتوى .. بجون ..
يبقى اكيد دى نهاية العالم ..
يبقى اكيد دى نهاية الكون ..
* * * * * * * * * *
لما بتوع يجتمعوا ف جامعة ..
وده لو عرفوا ..
اصل الدنيا بتغلى .. ووالعة ..
وزى العاده يقلبوا داغها ..
عاليها .. واطيها ..
وزى ما عاشوا سنين قرفنا ..
يبقوا يومين بالظبط صداعنا ..
خناق و زعيق .. ورخامة و فرقه ..
راح بتصيبنا ف قلب الامة ..
تطرح غمه .. وقهره وحرقه ..
* * * * * * * * * *
لما بتوع بيفضوا مظاهرة ..
اصل العافية دى باينه .. وظاهرة ..
هى الخطة .. وهى الحكمة ..
وهى اللقمة .. تجيب الهدمة ..
عصر القوة ..
مافيهوش مجدع .. ولا فيه مروه ..
اقبل .. ارفض .. وده من حقك ..
بس المغزى ليك انت وهو ..
لازم تصبح وسط العالم ..
صاحب قوه ..
مجدع .. جامد .. بره و جوه ..
* * * * * * * * * *

طارق المملوك
8/8/2006